6. Wen we get baptize, we come part of Jehovah’s ohana

Wen we get baptize, we come part of one tight ohana who stay all ova da world. Even if we no come from da same place an we wen grow up diffren from each odda, all us believe da same ting an live da way da Bible tell us fo live. Read um Songs Fo God 25:14 an 1 From Peter 2:17, an den talk story about dis question:

• Wen somebody get baptize, how dat change da way dey stay tight wit Jehovah an wit oddas who worship Him?

2. How we can live one happy life now?

We like know an worship Jehovah cuz dass how he wen make us. (Read um Matthew 5:3-6.) He like us fo stay his good frenz, “fo live da way he tell [us] guys fo live, fo get love an aloha fo him . . . [an] fo go all out fo work fo him.” (Rules Secon Time 10:12; Songs Fo God 25:14) Wen we do dat, we can stay good inside even if we get pilikia. Wen we worship Jehovah, we feel oua life stay worth it cuz get someting fo live fo.