-
Wat Da Bible Say About Sex?You Can Live Good Foeva!—Learn Da Bible By Talking Story
-
-
4. You can fight wrong kine presha
Wat can make um hard fo fight agains presha fo do wrong kine sex stuff? Play um da VIDEO, an den talk story about da question afta.
Wen da braddah in da video wen figga dat da way he tink an da way he ack goin cause him fo cheat on his odda half, wat he wen do?
Even solid Christians get hard time fo no tink bad kine stuff. How you can stop yoaself from tinking plenny about bad kine stuff? Read um Fo Da Philippi Peopo 4:8, an den talk story about dese questions:
Wat kine stuff we should tink about?
How can reading da Bible an doing plenny fo Jehovah kokua us fo fight agains presha fo do bad kine stuff?
-
-
How You Can Make Jehovah Happy Wit Da Way You Talk?You Can Live Good Foeva!—Learn Da Bible By Talking Story
-
-
3. Wat goin help us talk in one way dat goin make oddas feel good inside?
Plenny times, wat we talk about show oddas how we really feel an wat we tink about. (Luke 6:45) So we gotta learn fo tink about tings dat stay pono, no stay pilau, wat you get love an aloha fo, an tings dass good. (Fo Da Philippi Peopo 4:8) Fo tink about dese tings, we gotta be akamai about wat we choose fo do fo fun an who oua frenz stay. (Smart Guys 13:20) We can even stop fo take time fo tink about wat fo say befoa we say um. Try tink how oddas goin feel about wat you tell. Da Bible tell: “Some peopo talk, but dey no tink firs. Az jalike dey stab you wit one knife. But da peopo dat know wat fo do erytime, wen dey talk, make peopo feel mo betta.”—Smart Guys 12:18.
-