• Da Bible Is How God Talk to Us
    You Can Live Good Foeva!—Learn Da Bible By Talking Story

    • 1. If man wen write um, how come we tell da Bible come from God?

      About 40 diffren guys wen write da diffren books of da Bible. Dey wen write da firs one about 3,500 years ago an dey wen pau da las one about 1,900 years ago. Da guys who wen write um was all diffren. Had farma guys, fishamans an ali’i. Even if dey was all diffren, all da parts of da Bible still line up wit each odda. How can? Is cuz da Bible is wat God tell. (Read um 1 Fo Da Tessalonika Peopo 2:13.) Da guys who wen write um, neva write wat dey had tink. “Wat dey wen write, az wat God wen give um. Dey tell wat da Good An Spesho Spirit wen show um fo tell.”a (2 From Peter 1:21) God wen use his good an spesho spirit fo help da guys write down wat he was tinking.​—2 Fo Timoty 3:16.

  • Wat Jehovah Stay Like?
    You Can Live Good Foeva!—Learn Da Bible By Talking Story

    • 4. Da spesho spirit—How God do tings

      Pichas: Tings God spesho spirit wen do. 1. Da planets an da universe. 2. One Bible writa write down wat God tell him on one paypa.

      Da way we use oua hands fo do work, dass how Jehovah use his spesho spirit. Da Bible show us dat da spesho spirit is not one person, but is da mana Jehovah use fo do da tings he like. Read um Luke 11:13 an Jesus Guys 2:17, an den talk story about dese questions:

      • God goin make his spesho spirit take charge of all da peopo who ask fo um. So wat you tink? Da spesho spirit, az one person, o az da mana God use fo do tings da way he like? How come?

      Jehovah use his spesho spirit fo do tings dat blow oua mind. Read um Songs Fo God 33:6 an 2 From Peter 1:20, 21, an den talk story about dis question:

      • Wat kine ways Jehovah wen use his spesho spirit?

      Pichas: Tings God spesho spirit wen do. 1. Da planets an da universe. 2. One Bible writa write down wat God tell him on one paypa.