Tings Dat Kokua In Da You Can Live Good Foeva!

You stay tankful fo da videos an da questions fo see wat yoa learna stay tinkin in da You Can Live Good Foeva! book? Wat about da odda tings dat stay in da book like “Wat Some Peopo Tell,” “Sometin Fo Do,” an “Learn Some Moa”? Wat odda stuff da book get dat can kokua you in da preachin an teachin work?​—Mat 28:​19, 20.

Media: If you radda use one hard copy of da book fo teach, wea you can find da videos, an all da odda media kine stuffs? Stay in da electronic book. At da top, pick one of da four main parts. Wen you press on dat, go all da way to da bottom, an press da media fo dat part. Den you can choose wateva media fo da lesson you stay on. (Spock picha 1.)

“Printed Edition” settin: If you stay teachin somebody from da electronic book, could be good fo use da “Printed Edition” settin sometimes. Wen you stay in da lesson, press on da three dots at da top an den press on da “Printed Edition.” Da way stay setup ova hea, goin help you fo see how da part you stay studyin stay connecked to wat da lesson stay all about. Fo go back to da digital edition, press da three dots again an press “Digital Edition.”

“I Stay Ready…O Wat?”: Da boxes at da end of da book tell wat need fo preach wit da local hui an wat need fo get baptized. (Spock picha 2.)

Endnotes: Da endnotes give moa info fo explain da importan stuffs. Da electronic book get one link at da end of ery endnote dat you can press fo bring you back to wea you wuz in da lesson. (Spock picha 2.)