LIVE JALIKE JESUS
Make Yoa Trus In Da Bible Moa Strong
Da Bible get da mana fo change us guys. (Heb 4:12) But fo get da good tings from um, like showin us wea fo go, wat fo do, an how fo ack, we gotta know fo shua dat “wat God tell” iz fo real. (1 Tess 2:13) So how us can make oua trus in da Bible moa strong?
Read some of da Bible ery day. Wen you read um, try spock da proof dat Jehovah wen write um. Like, wen you read wat stay inside da book Wat Da Smart Guys Tell, try see how da good stuff from way back den still yet stay good fo us now.—Smart Guys 13:20; 14:30.
Start fo learn moa. Get fo know da proof dat show da Bible wen come from God. Like, try go to da Research Guide for Jehovah’s Witnesses an look unda da subject “The Bible” an den go to “Inspired by God.” An fo make yoa trus moa strong dat wat da Bible tell neva change, you can check out da info dat stay inside da Appendix A3 of da New World Translation.
WATCH UM DA VIDEO WHY WE TRUS…WAT GOD TELL, AN DEN ANSA DESE QUESTIONS:
How da temple wall dey wen find at Karnack, Egypt, show dat wat stay inside da Bible iz true?
How we know dat wat da Bible tell neva change?
Cuz da Bible still yet stay around, how dat show dass from God?—Read Isaiah 40:8