LIVE JALIKE JESUS
Trus Jehovah Wen Somebody Bully You
Bullies can make us hurt on da inside an da outside. Dey can even hurt us spiritually if we come sked wen dey try stop us from worshipping Jehovah. Wen somebody bully you, how you can proteck yoaself?
Cuz dey had trus Jehovah, plenny of his guys had come out winnas wen dey was getting bullied. (Songs 18:17) Jalike Esther, she wen tell da king bout wat one bully named Haman was planning fo do. (Esther 7:1-6) But befoa she wen go do dat, she neva eat o drink notting fo three days fo show she trus Jehovah. (Esther 4:14-16) Jehovah had bless wat she wen do, an proteck her an his peopo.
Younga guys, if you get one bully, pray to Jehovah fo help you, an tell somebody olda like yoa maddah o faddah wat stay happening. You can know dat garans Jehovah going help you same same like Esther. Anyting moa you can do fo hando wen you getting bullied?
WATCH UM DA VIDEO LIFE AZ ONE TEENAGER—HOW FO HANDO WEN I STAY GETTING BULLIED? AN DEN ANSA DESE QUESTIONS:
Wat da younga guys can learn from Charlie an Ferin?
Wat you parents wen learn from wat Charlie an Ferin had tell about how fo help kids hando wen dey get one bully?