SONG 55
No Be Sked!
1. No be sked my loyal peopo,
Go all out fo preach an teach.
Even guys talk bad bout me,
Get choke oddas still fo reach.
Tell da good tings bout Christ Jesus,
From dis world he goin save you,
An lock up da Bad Guy Satan,
Jesus like fo cut you loose.
(CHORUS)
No be sked, I stay right by you.
Neva mind wat peopo say.
No worry, notting goin hurt you,
I stay wit you all da way.
2. Even tho choke guys agains you,
Who like try fo bus you up.
Dey ack all taran-taran,
Dey make sly, fo wipe us out.
No be sked my loyal peopo,
Wat dey tell no take um deep.
I goin be da God who save you,
We goin win, dass garuntee.
(CHORUS)
No be sked, I stay right by you.
Neva mind wat peopo say.
No worry, notting goin hurt you,
I stay wit you all da way.
3. Neva feel I goin foget you,
I proteck an make you strong.
Even if yoa life come pau,
Pretty soon death goin be gone.
No be sked da guys who kill you,
In my mem’ry you goin stay.
I goin give you life foeva,
Jus stay faithful all da way.
(CHORUS)
No be sked, I stay right by you.
Neva mind wat peopo say.
No worry, notting goin hurt you,
I stay wit you all da way.
(See also Rules 32:10; Neh 4:14; Songs 59:1; 83:2, 3.)