Stay Tight Wit God

1. Stay tight wit God, do wat he like.

Be humbo an do wass right.

Res yoa head on Jah an stay close to him,

An trus he goin take kea you.

Da tings he tell, put um in yoa heart.

Read his Word eryday.

Let God show you da way fo go,

An try lissen wat he say.

2. Stay tight wit God an stay spesho.

Tink bout da tings dat stay clean.

No matta if preshas making life hahd,

God goin help you get tru um.

Wateva pono, wateva good,

An wateva stay tru,

Keep tinking bout all dese kine tings,

Den oua God goin be wit you.

3. Stay tight wit God an stay happy.

Be stoked dat he yoa bes Fren!

Go show yoa mahalo fo wat he give

An blessings dat no moa end.

Show eryone you stay tight wit God,

From mauka to makai.

Sing from da heart an do yoa paht

Fo stay tight wit Jah. Dass right!