Jehovah God, He Take Kea Me

1. Jehovah God he take kea me,

I follow him wea he go.

He kno wat stay deep inside my heart,

Eryting I need, he kno.

He take me down to calm watta,

Somewea safe so I can res.

An wit his solid love, he hold my hand,

Fo take me wea no moa stress.

Wit his solid love, he hold my hand,

Fo take me wea no moa stress.

2. I love fo do wat you tell us,

Cuz yoa way always stay right.

I no like stop being in yoa love,

I like serve you all my life.

Wen I stay in one dark valley,

You show me da way fo go.

An cuz you my Fren, I no need worry,

Eryting goin be okay.

Cuz you my Fren, I no need worry,

Eryting goin be okay.

3. Jehovah God you take kea me,

I goin follow wea you go.

You make me strong an you help me res,

Eryting I need, you kno.

Cuz you neva goin have one end,

My trus stay solid in you.

An da love you get az my God an Fren,

Goin stay wit me foeva.

Da love you get az my God an Fren,

Goin stay wit me foeva.