SONG 95
Da Light Coming Moa An Moa Bright
1. Da guys from befoa try fo learn bout da Christ,
Da one who help make tings come betta.
God’s spirit wen tell da time Jesus goin come,
Fo hemo oua shame an fo save us.
An right now da time, Jesus ruling up dea,
Az clear fo see, dat he stay king.
So awesome we get da chance fo undastan,
Even angels like learn all dese tings!
(CHORUS)
Now we can see eryting betta,
Da trut shining bright like da sun!
Try look wat God stay showing all us,
He tell da right trail fo stay on.
2. Oua boss gave us akamai guys we can trus,
Thru dem he give food at da right time.
Fo help undastan so we know wat stay true,
So can stick in oua heart an oua mind.
Oua trail stay moa clear an we know wea fo go,
Da light coming moa an moa bright.
Mahalos Jehovah you show us da trut,
Fo keep go-in da way dat stay right.
(CHORUS)
Now we can see eryting betta,
Da trut shining bright like da sun!
Try look wat God stay showing all us,
He tell da right trail fo stay on.
(See also Rome 8:22; 1 Cor 2:10; 1 Pet 1:12.)