Let Go Befoa Da Ransom

Da ony way we can be let go fo da bad tings we do is thru Jesus’ sacrifice. (Efe 1:7) But da Bible say, “He let um go fo da bad kine stuff dey wen do befo time, an he hemo dea shame.” Dass talking about befoa Jesus wen pay da ransom. (Rome 3:25) Az fair wat Jehovah wen do, let peopo go befoa da ransom was paid?

Jehovah wen promise fo make one way fo erybody get save. Wen he had make dat promise, da ransom was good az done awready. (Start 3:15; 22:18, NWT.) Jehovah had know fo shua dat Jesus would pay da ransom da exack time God wanted him fo do um. (Gal 4:4; Heb 10:7-10) Wen Jesus was on earth, Jehovah wen give him da powa fo fogive sins befoa he wen pay da ransom. Jesus could let go da sins of da guys who had faith cuz he had know da sacrifice he was going give would cova dea sins.​—Mat 9:2-6.