War Iz Horraz
One of da worse tings dat somebody can go tru iz war. Soldiers an peopo aroun da world dat wen go tru um kno how bad can be.
SOLDIERS
“You see peopo getting buss up an dying all da time. You neva feel safe.”—Gary, Britain.
“I wen get shot in my back an face, an I wen see plenny peopo get killed, even keiki an olda guys. War make you no kea az much wen oddas suffa an die.”—Wilmar, Colombia.
“Wen somebody get shot right in front you, you no can stop tinking about um. Ova an ova in yoa mind, you still can hea dem screaming an crying. You neva goin foget about dem.”—Zafirah, United States.
PEOPO
“I wen feel like I neva wuz goin be happy again. I wuz sked fo die, but I wuz moa sked dat my family or frenz wuz goin die.”—Oleksandra, Ukraine.
“Wit all da fighting aroun us, we wuz real sked cuz we had fo stan in line fo food from 2:00 in da morning til 11:00 at night, an we neva kno if we wuz goin get shot.”—Daler, Tajikistan.
“My maddah an faddah wen get killed in one war. I wuz all by myself an I neva have nobody fo make me feel betta or take kea me.”—Marie, Rwanda.
All dese peopo wen find peace even tho dey wen go tru da horraz of war. An dey kno fo shua dat pretty soon not goin get war or fighting anymoa. In dis Da Place Fo Watch From magazine, we goin see how da Bible show dis goin happen.