How Come Still Get War An Fighting
Da Bible tell how come get war an fighting an why it still goin on.
SIN
God wen make da firs man an wahine, Adam an Eve, fo be jus like him. (Da Start 1:27) Dat mean wuz natural fo dem show God’s qualities, like peace an love. (1 Fo Da Corint Peopo 14:33; 1 John 4:8) But Adam an Eve neva lissen God an wen sin. An cuz we come from dem, all us had get sin an deat pass down to us. (Fo Da Rome Peopo 5:12) Cuz of sin, plenny times peopo tink bad tings an do bad tings.—Da Start 6:5; Mark 7:21, 22.
HUMAN GOVAMENT
God neva make humans fo rule ova each odda. Da Bible tell, “nobody can make dea own plan fo da nex ting dey goin do.” (Jeremiah 10:23) Cuz of dat, human govaments no can full on hemo war an fighting.
SATAN AN HIS BAD ANGELS
Da Bible show dat “da Bad Guy stay in charge a all da odda peopo inside da whole world.” (1 John 5:19) Da “Bad Guy” iz Satan da Devil, an he like fo kill. (John 8:44) Him an odda bad angels, dey da ones dat try get peopo fo fight an start wars.—Jesus Show 12:9, 12.
We no can hemo da tings dat make war an fighting happen, but God can.