Make Ready Yoa Heart

Wen we study da Bible, we like da tings we learn about Jehovah fo reach oua heart or affeck da person we stay inside. Ezra wuz one good exampo cuz he erytime make ready befoa he study Jehovah’s rules. (Ezra 7:10) How we can make ready like Ezra?

Pray. Befoa you start fo study, say one praya. Ask Jehovah fo help you undastan an use wat you learn.​—Songs 119:18, 34.

Be Humbo. God hide da trut from guys dat tink dey no need His help fo undastan da Bible. (Luk 10:21) We no like jus study fo soun smart in front oddas. Wen we see tings we gotta change, we gotta be humbo an make da changes.

Try lissen to oua songs. Music get da powa fo reach oua heart an dat help us make ready fo oua worship. So wen we lissen to one of oua songs befoa we study, dat can help us fo make ready oua heart.