Get Da Mos Outa Marginal References

Maybe you get da New World Translation of the Holy Scriptures in English, an inside dea get marginal references. Dose references show how diffren pahts of da Bible match up wit odda pahts of da Bible. It links one scripcha to odda scripchas dat talk about da same ting wit moa info on um. Can find da marginal references by looking fo da small letta afta one word. If you use one hahd copy Bible, go look fo da letta nex to da word an match um wit da middo or side column fo find da matching scripchas. On jw.org or da JW Library® app, tap da letta nex to da word fo see da reference scripchas.

Da marginal references can link you to dese stuffs an moa:

Same story: Da reference can take you to da same ting happening in diffren Bible books. Go look 2 Samuel 24:1 an 1 Chronicles 21:1.

Quotes: Da reference show wea one quote wen come from. Go look Matthew 4:4 an Deuteronomy 8:3.

Prophecy dat wen come tru: Da reference links one prophecy wit wen it had come tru. Go look Matthew 21:5 an Zechariah 9:9.