Jesus Wen Learn “Fo Lissen God”

Jesus wen always lissen to Jehovah. (John 8:29) So how come da Bible say, “Wat he wen suffa teach him fo lissen God”?​—Heb 5:8.

Da tings Jesus wen deal wit on top da eart wuz stuff he neva wen go tru in heaven. Like, he wen have parents dat no wuz perfeck fo raise him. (Luk 2:51) Da main leadas an Pries guys wen make him suffa plenny. (Mat 26:59; Mar 15:15) An moa den dat he “wen show he wuz real humbo an do eryting God wen like him fo do, even if he had fo mahke.”​—Php 2:8, NWT.

So Jesus wen learn how fo lissen to God in one new way wen he wuz on eart. Cuz of dat, he wen come da perfeck King an Main Pries Guy, somebody who could really undastan us. (Heb 4:15; 5:9) Afta he wen learn how fo lissen from da tings he wen suffa, he wen come moa spesho to Jehovah. Us too, wen we learn fo lissen even tho we go tru hahd times, we can come moa spesho to Jehovah, an He can use us fo do moa fo Him.​—Jam 1:4.