Սաղմոսներ

20 Թող Եհովան պատասխանի քեզ նեղության օրը+։

Թող Հակոբի Աստծու անունը պաշտպանի քեզ+։

 2 Թող նա սուրբ վայրից+ օգնություն ուղարկի քեզ

Եվ Սիոնից քեզ աջակցի+։

 3 Թող հիշի քո բոլոր նվիրաբերման զոհերը+

Եվ քո ողջակեզի ճարպն ընդունի+։ (Սելա)

 4 Թող տա քեզ քո սրտի ցանկությունների համեմատ+

Եվ քո բոլոր նպատակներն իրագործի+։

 5 Կցնծանք ուրախությունից քո տված փրկության համար+

Եվ կբարձրացնենք մեր դրոշները մեր Աստծու անունով+։

Թող Եհովան կատարի քո բոլոր խնդրանքները+։

 6 Հիմա ես գիտեմ, որ Եհովան փրկում է իր օծյալին+։

Նա պատասխանում է նրան իր սուրբ երկնքից+

Եվ փրկում է իր աջ ձեռքի զորավոր գործերով+։

 7 Ոմանք խոսում են կառքերի, ոմանք էլ ձիերի+ մասին,

Բայց մենք կխոսենք մեր Աստծու՝ Եհովայի անվան մասին+։

 8 Նրանք ջախջախվեցին ու վայր ընկան+,

Բայց մենք վեր կացանք և ուղիղ կանգնեցինք+։

 9 Ո՛վ Եհովա, փրկի՛ր թագավորին+։

Նա կպատասխանի մեզ մեր կանչելու օրը+։