Սաղմոսներ

56 Բարեհա՛ճ եղիր իմ հանդեպ, ո՜վ Աստված, որովհետև մահկանացու մարդն ուզում է ինձ ատամներով բռնել+։

Ամեն օր պատերազմելով իմ դեմ՝ նա նեղում է ինձ+։

 2 Ոսոխներս ամեն օր փորձում են ատամներով բռնել ինձ+,

Շատերը գոռոզամտորեն պատերազմ են մղում իմ դեմ+։

 4 Աստծու հետ միության մեջ լինելով՝ կգովաբանեմ նրա խոսքը+։

Աստծուն եմ ապավինում, ես չեմ վախենա+։

Ի՞նչ կարող է անել ինձ մարմինը+։

 5 Ամեն օր նրանք վնաս են հասցնում ինձ,

Նրանց բոլոր մտքերը ի չարն են իմ դեմ+։

 6 Նրանք հարձակվում են, թաքնվում+,

Քայլերիս են հետևում+,

Դարան մտած՝ իմ հոգուն են սպասում+։

 7 Մերժի՛ր նրանց իրենց չար դիտավորությունների համար+։

Բարկությամբ տապալի՛ր ժողովուրդներին, ո՛վ Աստված+։

 8 Դու գրի ես առել իմ թափառումների մասին+։

Իմ արցունքները քո տկի մեջ դիր+։

Չէ՞ որ դրանք քո գրքի մեջ են+։

 9 Այն ժամանակ՝ այն օրը, երբ ես կանչեմ, թշնամիներս հետ կդառնան+,

Որովհետև հաստատ գիտեմ, որ Աստված ինձ հետ է+։

10 Աստծու հետ միասնության մեջ+՝ ես պիտի գովաբանեմ իր խոսքը+,

Եհովայի հետ միասնության մեջ՝ պիտի գովաբանեմ իր խոսքը։

11 Աստծուն եմ ապավինում, ես չեմ վախենա+։

Ի՞նչ կարող է անել ինձ մարդը+։

12 Ինձ վրա են, ո՜վ Աստված, քեզ տված երդումները+։

Երախտագիտության խոսքեր պիտի քեզ մատուցեմ+,

13 Որովհետև դու իմ հոգին ազատեցիր մահից+

Եվ ոտքերս՝ սայթաքելուց+,

Որպեսզի Աստծու առաջ քայլեմ կենդանի եղողների լույսի մեջ+։