Սաղմոսներ

98 Նոր ե՛րգ երգեք Եհովային+,

Որովհետև հրաշալի են նրա արած գործերը+։

Նրա աջը՝ նրա սուրբ բազուկը, փրկություն բերեց+։

 2 Եհովան հայտնի դարձրեց իր փրկությունը+,

Ազգերի աչքերի առաջ բացահայտեց իր արդարությունը+։

 3 Նա հիշեց Իսրայելի տան հանդեպ իր սիրառատ բարությունն ու հավատարմությունը+։

Երկրի բոլոր ծայրերը տեսան մեր Աստծու տված փրկությունը+։

 4 Ցնծության բացականչություննե՛ր ուղղեք Եհովային, ո՛վ երկրի բոլոր մարդիկ+։

Հրճվե՛ք, ուրախությամբ գոչե՛ք ու սաղմո՛ս երգեք+։

 5 Սաղմո՛ս երգեք Եհովային քնարով+,

Քնարով ու երգերով+։

 6 Փողերի և եղջյուրի ձայների ներքո+

Ցնծության բացականչություննե՛ր ուղղեք Թագավորի՝ Եհովայի առաջ։

 7 Թող որոտան ծովը և նրա մեջ եղող բոլոր բաները+,

Երկիրը և նրանում բնակվողները+։

 8 Թող գետերը ծափ զարկեն,

Թող սարերը միասին ուրախությամբ ցնծան Եհովայի առաջ+,

 9 Որովհետև նա եկել է երկիրը դատելու+։

Նա աշխարհը արդարությամբ է դատելու+,

Եվ ժողովուրդներին՝ ուղղամտությամբ+։