Սաղմոսներ

Նվագավարին: «Մի՛ կործանիր» երգի մեղեդիով: Ասափի+ երգը:

75 Շնորհակալ ենք քեզ, ո՛վ Աստված, շնորհակալ ենք:

Դու մեզ հետ ես,*+

Մարդիկ քո զարմանահրաշ գործերի մասին են հռչակում:

2 Դու ասում ես. «Ես ժամանակ եմ սահմանում

Եվ արդարությամբ դատում:

3 Երբ ահուդողի մեջ էին* երկիրն ու դրա բոլոր բնակիչները,

Ես էի, որ հաստատուն պահեցի դրա սյուները»: (Սելա)

4 Ես պարծենկոտներին ասում եմ. «Մի՛ պարծեցեք»:

Անօրեններին ասում եմ. «Ձեր ուժով* մի՛ հպարտացեք:

5 Ձեր ուժի համար ձեզ պատվարժան մի՛ կարծեք,

Գոռոզությամբ մի՛ խոսեք,

6 Որովհետև պատիվը ո՛չ արևելքից է, ո՛չ արևմուտքից, ո՛չ էլ հարավից:

7 Աստված է Դատավորը.+

Նա է մեկին ցածրացնում, մյուսին՝ պատվի արժանացնում:+

8 Բաժակ կա Եհովայի ձեռքին.+

Դրա մեջ փրփրում է թնդեցված գինին:

Նա, անշուշտ, այն կհրամցնի երկրի բոլոր անօրեններին,

Եվ նրանք կխմեն այն մինչև վերջ՝ նստվածքով հանդերձ»:+

9 Ես այս ամենի մասին հավիտյան կհռչակեմ,

Հակոբի Աստծուն կգովերգեմ:*

10 Չէ՞ որ նա ասում է. «Անօրեններին ես իրենց ողջ ուժից կզրկեմ,

Իսկ արդարների ուժը մեծ ու փառավոր կդարձնեմ»: