21 Բայց եթե ազատ չարձակես, քեզ վրա, քո ծառաների, քո ժողովրդի և քո տների վրա խայթող ճանճեր* կուղարկեմ: Եգիպտոսի տները խայթող ճանճերով կլցվեն. դրանք կծածկեն անգամ նրանց ոտքի տակի հողը: 22 Այդ օրը ես կառանձնացնեմ Գեսեմ երկիրը, որտեղ իմ ժողովուրդն է: Ոչ մի խայթող ճանճ չի լինի այնտեղ,+ և դրանից կիմանաս, որ ես՝ Եհովաս, այստեղ եմ՝ այս երկրում:+

3 ապա Եհովան իր ձեռքը+ կբարձրացնի դաշտում եղող քո անասունների վրա: Հիվանդաբեր պատուհաս+ կգա ձիերի, էշերի, ուղտերի, ինչպես նաև նախիրների ու հոտերի վրա:

6 Հենց հաջորդ օրը Եհովան արեց դա. եգիպտացիներին պատկանող ամեն տեսակ անասուն սատկեց,+ բայց իսրայելացիների անասուններից մեկն անգամ չսատկեց:

26 Կարկուտ չեկավ միայն Գեսեմ երկրում, որտեղ իսրայելացիներն էին:+

7 Իսկ իսրայելացիներին և նրանց անասուններին ոչ մի վնաս չի լինի, անգամ շուն չի հաչի նրանց վրա, որպեսզի դուք իմանաք, որ Եհովան կարող է տարբերություն դնել եգիպտացիների ու իսրայելացիների միջև»:+

13 Արյունը, որ ցողված կլինի այն տների վրա, որտեղ կգտնվեք, որպես նշան կծառայի: Ես կտեսնեմ այն և կանցնեմ ձեր կողքով, ու երբ հարվածեմ Եգիպտոսին, կործանիչ պատուհասը ձեզ վրա չի գա:+