Սաղմոսներ

114 Երբ Իսրայելը դուրս եկավ Եգիպտոսից,+

Հակոբի տունը՝ օտար լեզվով խոսող ժողովրդի միջից,

 2 Հուդան դարձավ Աստծու սրբարանը,*

Իսրայելը՝ նրա տերությունը:+

 3 Աստծու արածները տեսնելով՝ ծովը փախուստի դիմեց,+

Հորդանանի հոսքը դադարեց:+

 4 Լեռները ցատկոտեցին խոյերի* պես,+

Բլուրները՝ գառնուկների պես:

 5 Ծո՛վ, ի՞նչը քեզ փախուստի մատնեց,+

Հորդանա՛ն, ինչո՞ւ քո հոսքը դադարեց:+

 6 Լեռնե՛ր, ինչո՞ւ ցատկոտեցիք խոյերի պես,

Եվ դուք, բլուրնե՛ր, գառների պես:

 7 Ո՛վ երկիր, դողա Տիրոջ ահից,

Հակոբի Աստծու վախից.+

 8 Նա ապառաժը վերածում է եղեգնաշատ լճի,

Կարծր* ժայռը՝ ջրի աղբյուրների:+