Նախաբան
Ամեն օր մարդիկ կանգնում են առողջության հետ առնչվող այնպիսի բարոյական հարցերի առջև, որոնք վերաբերում են օրգանների փոխպատվաստմանը, արհեստական վիժմանը, «մահանալու իրավունքին»։ Հուսանք, որ դուք նման խնդիրներ երբեք չեք ունենա։
Սակայն ուշադրություն է պահանջում հետևյալը. ինչպե՞ս է հնարավոր արյան միջոցով կյանք փրկել։
Այսօր շատերը մի հիմնավոր հարց են տալիս. «Որքանո՞վ է անվտանգ արյան փոխներարկումը»։ Սա լոկ բժշկական խնդիր չէ։ Այս կապակցությամբ հասարակության ուշադրությունն են գրավել Եհովայի վկաները։ Երբևէ չէ՞ք մտածել, թե այդ բարոյական մարդիկ, որ ընդունում են որակյալ բուժօգնությունը, ինչու են հրաժարվում արյունից։
Ինչպես կտեսնեք, արյան գործածությանը վերաբերող բժշկական և բարոյական խնդիրները ուղղակիորեն կապված են այն հարցի հետ, թե ինչպես կարող եք փրկել ամենաթանկ բանը, որ ունեք՝ կյանքը։