Լավ օրինակ՝ Դավիթ

Դավիթը սիրում էր երաժշտություն։ Նա շնորհալի երաժիշտ էր ու տաղանդավոր երգահան։ Նա ինքն էր պատրաստում իր գործիքները (2 Տարեգրություն 7։6)։ Դավիթն այնքան հմուտ էր, որ Իսրայելի թագավորը հրավիրեց նրան նվագելու թագավորական պալատում (1 Սամուել 16։15–23)։ Նա ընդունեց հրավերը, բայց չհպարտացավ և ոչ էլ թույլ տվեց, որ երաժշտությունն իր կյանքում առաջին տեղը զբաղեցնի։ Փոխարենը՝ Դավիթը օգտագործեց իր շնորհները Եհովային փառք բերելու համար։

Սիրո՞ւմ ես երաժշտություն։ Գուցե տաղանդավոր երաժիշտ չես, բայց կարող ես ընդօրինակել Դավթին։ Ինչպե՞ս։ Թույլ չտալով, որ երաժշտությունը կյանքումդ առաջին տեղը զբաղեցնի կամ դրդի քեզ մտածելու և գործելու Աստծուն պատիվ չբերող այս կամ այն ձևով։ Երաժշտության միջոցով կյանքդ ավելի հաճելի դարձրու։ Երաժշտություն գրելու և վայելելու ունակությունը պարգև է Աստծուց (Հակոբոս 1։17)։ Դավիթն այդ պարգևի միջոցով փառաբանում էր Աստծուն։ Իսկ դո՞ւ ինչպես կվարվես։