Աստծո անունը օգտագործվում է Կենտրոնական Աֆրիկայում

Կենտրոնական Աֆրիկայի բնակչության մեծամասնությունը հավատում է Աստծուն։ Նրանք հաստատ համոզված են, որ նա է ամեն ինչի Արարիչը (Յայտնութիւն 4։11)։ Սակայն ուրիշ շատ ժողովուրդների նման նրանք էլ հաճախ նշանակություն չեն տալիս Աստծո Եհովա անվանը։

Ինչպես Կենտրոնական Աֆրիկայում, այնպես էլ աշխարհի ուրիշ մասերում ապրող մարդիկ հիշատակում են Աստծո անվան մասին, երբ Տերունական աղոթքն արտասանելիս ասում են. «Սո՛ւրբ թող լինի քո անունը» (Մատթէոս 6։9)։ Բայց երկար ժամանակ միայն քչերն են իմացել, թե որն է այդ անունը։ Տարիների ընթացքում, սակայն, Եհովայի վկաների նախանձախնդիր քարոզչության շնորհիվ փոխվել է Աստծո անունը օգտագործելու նկատմամբ մարդկանց վերաբերմունքը։ Այսօր Աստծո անունը լայնորեն տարածված և ընդունված է աֆրիկյան շատ լեզուներում, ինչպես՝ զուլուսերեն (ուՋահովա), յորուբա (Ջեհոֆա), կոսա (ուԵհովա) և սվահիլի (Եհոֆա) լեզուներում։ Բայց այս լեզուներով Աստվածաշնչի թարգմանությունների մեծ մասում չի օգտագործվում Աստծո անունը։

Զանդե լեզվով, որով խոսում են Կենտրոնական Աֆրիկայի որոշ մասերում, Սուդանում և Կոնգոյի Դեմոկրատական Հանրապետությունում, Աստվածաշնչի մի հաջող թարգմանություն կա, որտեղ օգտագործվում է Աստծո անունը։ Թվարկված վայրերում ապրող մարդիկ իրենց լեզվով Աստծո անունն արտասանում են Եքովա։ Անկախ նրանից, թե մայրենի լեզվում ինչպես է աստվածային անունը հնչում, կարևոր է այն օգտագործել։ Ինչո՞ւ։ Որովհետև «ամենայն ոք, որ Տիրոջ [«Եհովայի», ՆԱ] անունը կանչի, կը փրկուի» (Հռովմայեցիս 10։13)։

[քարտեզ/նկար 32–րդ էջի վրա]

(Ամբողջական պատկերի համար տե՛ս հրատարակությունը)

ԿԵՆՏՐՈՆԱԿԱՆ ԱՖՐԻԿԱՅԻ ՀԱՆՐԱՊԵՏՈՒԹՅՈՒՆ

ՍՈՒԴԱՆ

ԿՈՆԳՈՅԻ ԴԵՄՈԿՐԱՏԱԿԱՆ ՀԱՆՐԱՊԵՏՈՒԹՅՈՒՆ

[թույլտվությամբ]

The Complete Encyclopedia of Illustration/J. G. Heck