Չքավորությունը երբևէ վերջ կգտնի՞
«ԱՀԱ զրկուածների արտասուք կար, բայց մխիթարող չ’ունէին. եւ նորանց զրկողների ձեռքից բռնութիւն կար, բայց իրանք մխիթարող չ’ունէին»,— գրել է հին Իսրայելի իմաստուն թագավոր Սողոմոնը (Ժողովող 4։1)։ Անշուշտ, Սողոմոնի հիշատակած մարդկանցից շատերը նաև աղքատ էին։
Չքավորությունը չի կարող չափվել միայն դրամական միջոցների վերաբերյալ վիճակագրական տվյալներով։ Համաշխարհային բանկի 2002 թ. հունիսի տվյալների համաձայն՝ «1998 թ.–ին ամբողջ աշխարհում 1,2 մլրդ. մարդու օրածախսը չի կազմել մեկ դոլար.... իսկ 2,8 մլրդ.–ինը՝ 2 դոլար»։ Թեպետ նշվեց, որ այդ երկու կատեգորիաներին պատկանող մարդկանց թիվը նվազել է՝ համեմատած նախկին տվյալների, սակայն «դեռևս չափազանց մեծ թվով մարդիկ են տառապում աղքատության հետևանքով»։
Չքավորությունը երբևէ վերջ կգտնի՞։ Հիսուս Քրիստոսն ասել է իր առաքյալներին. «Աղքատներին միշտ ձեզ հետ ունիք» (Յովհաննես 12։8)։ Արդյո՞ք սա նշանակում է, որ աղքատությունն ու նրա դառը հետևանքները հավերժ կմնան։ Ո՛չ, թեև Հիսուսը չի խոստացել, որ իր բոլոր հետևորդները նյութապես հարուստ կլինեն, մենք չպետք է եզրակացնենք իր խոսքերից, թե աղքատությունից ազատվելու ոչ մի հույս չկա։
Չնայած մարդկանց գործադրած բոլոր ջանքերին և այն փաստին, որ չքավորությանը վերջ դնելու խոստումները հաճախ չեն իրականցել, Աստծո խոսքը՝ Աստվածաշունչը, հավաստիացնում է, որ մոտ ապագայում մարդիկ այլևս չքավոր չեն լինի։ Հիսուսը աղքատներին բարի լուր քարոզեց (Ղուկաս 4։18)։ Այդ բարի լուրը իր մեջ ներառում է չքավորությանը վերջ դնելու խոստում, որը կիրականանա, երբ Աստծո Թագավորությունը արդար պայմաններ կհաստատի երկրի վրա։
Որքա՜ն կվերափոխվի աշխարհը։ Երկնային Թագավոր Հիսուս Քրիստոսը «կ’խղճայ տկարին եւ խեղճին, եւ խեղճերի անձերը կ’ապրեցնէ։ Նենգութիւնից եւ բռնութիւնից կը փրկէ նորանց անձերը» (Սաղմոս 72։13, 14)։
Այդ ժամանակի մասին՝ Միքիա 4։4-ն ասում է. «Ամեն մարդ պիտի իր որթի տակին բնակուէ, եւ իր թզենու տակին, եւ վախեցնող պիտի չ’լինի, որովհետեւ Զօրաց Տիրոջ բերանն է ասել»։ Աստծո Թագավորությունը կլուծի մարդկանց տառապանք պատճառող բոլոր խնդիրները, նույնիսկ կվերացնի հիվանդություններն ու մահը։ Աստված «պիտի կլանէ մահին յաւիտեան, եւ Եհովայ Տէրը պիտի ջնջէ արտասուքը ամեն երեսից» (Եսայիա 25։8)։
Դուք կարող եք վստահել այս խոստումներին, քանի որ դրանք ներշնչված են անձամբ Աստծո կողմից։ Ինչու՞ չուսումնասիրել այն ապացույցները, որ փաստում են աստվածաշնչյան մարգարեությունների հավաստի լինելը։
[նկար 32–րդ էջի վրա. թույլտվությամբ]
FAO photo/M. Marzot