Ինչպե՞ս կարող են ընտանիքի անդամները համագործակցել ժողովի հանդիպումներին մասնակցելու համար

¹ Քրիստոնյա ընտանիքները պետք է ուշադրություն դարձնեն ժողովի հանդիպումներին միասին հավաքվելու հրահանգին (Եբր. 10։24, 25)։ Լավ համագործակցության շնորհիվ բոլորն էլ կարող են հաջողության հասնել նախապատրաստվելու, հանդիպումներին ներկա գտնվելու և մասնակցելու մեջ։ Ընտանեկան հանգամանքները տարբեր են լինում, սակայն կան բաներ, որ քրիստոնյա ամուսինն ու կինը կամ միայնակ ծնողը, անկախ երեխաների թվից և տարիքից, կարող են անել, որպեսզի նպաստեն ընտանիքի միությանը հոգևոր միջոցառումների ժամանակ (Առ. 1։8)։

² Ժամանակ հատկացնել նախապատրաստվելուն։ Ընտանիքի անդամները պետք է միմյանց հետ համագործակցեն, որպեսզի նրանցից յուրաքանչյուրը պատրաստված լինի ժողովի հանդիպումներին։ Շատ ընտանիքներ միասին քննարկում են «Դիտարան»–ի շաբաթական ուսումնասիրության թեման։ Ուրիշները պատրաստվում են ժողովի Գրքի ուսումնասիրությանը կամ միասին Աստվածաշնչի շաբաթական ընթերցանություն են անցկացնում։ Այս միջոցառումների նպատակն է նախքան հանդիպումներին ներկա լինելը հիշել տվյալ նյութի գլխավոր կետերը։ Արդյունքում՝ ստացած գիտելիքներից օգուտներ կքաղեն բոլորը և առիթի դեպքում պատրաստ կլինեն՝ իրենց մասնակցությունը բերելու (Ա Տիմոթ. 4։15)։

³ Ծրագրել մասնակցություն բերելու համար։ Ընտանիքի յուրաքանչյուր անդամ պետք է նպատակ ունենա, հանդիպումների ժամանակ մեկնաբանություններ տալով, իր ունեցած հույսի մասին ուրիշներին ազդարարել (Եբր. 10։23)։ Արդյոք ընտանիքի անդամը այս հարցում օգնության կամ քաջալերության կարիք ունի՞։ Աստվածապետական ծառայության դպրոցի առաջադրանքները պատրաստելու համար յուրաքանչյուրն ինչպիսի՞ աջակցության կարիք է զգում։ Կանայք գնահատում են, երբ ամուսինները հետաքրքրություն են ցուցաբերում և թերևս ակնառու օրինակ կամ պայմանական իրադրություն ընտրելու միտք առաջարկում։ Հարկ չկա, որ ծնողները մտածեն, թե իրենց երեխաների փոխարեն իրենք պետք է պատրաստեն առաջադրանքները, քանի որ, այդպես վարվելով, նրանք կխոչընդոտեն երեխային, և նա նախաձեռնությունն իր ձեռքը չի վերցնի։ Այնուհանդերձ, ծնողները կարող են օգնել իրենց երեխաներին և լսել նրանց, երբ նրանք բարձրաձայն կրկնում են առաջադրանքները (Եփես. 6։4)։

⁴ Կազմակերպված լինել ներկա գտնվելու համար։ Երեխաները կարող են մանուկ հասակից սովորել, որպեսզի նշանակված ժամին ժողովի հանդիպումներին գնալու համար հագնված ու պատրաստ լինեն։ Ընտանիքի անդամները պետք է միասին տան գործերը կատարեն, որպեսզի դրանք ոչ մեկի համար խոչընդոտ չհանդիսանան (տես հետևյալ ձեռնարկներում տրված խորհուրդները՝ «Ընտանեկան Ուրախութիւն», էջ 112 և «Երիտասարդների հարցերը», 316, 317 էջեր, ռուս.)։

⁵ Ծնողներն ու երեխաները կարող են խորհրդածել վաղեմի ժամանակներում ապրած Հեսուի խոսքերի շուրջը, որն ասաց. «Ես եւ իմ տունը Եհովային ենք պաշտելու»։ Ուրեմն վճռական եղեք միմյանց հետ համագործակցելու հարցում, որպեսզի ժողովի հանդիպումներին ամբողջական մասնակցություն ունենաք (Յեսու 24։15)։