2000 թ. Աստվածապետական ծառայության դպրոցը
1 Աստվածապետական ծառայության դպրոցը առատ օրհնություն է Եհովայի ժողովրդի համար։ Հիսուն տարուց ավել է, ինչ այդ Դպրոցի օգնությամբ միլիոնավոր անհատներ զարգացնում են իրենց ունակությունները՝ Աստվածաշնչի ճշմարտությունը հանրապես ներկայացնելու և ուսուցանելու նպատակով (Սաղ. 145։10—12; Մատթ. 28։19, 20)։ Զգո՞ւմ ես Դպրոցից անձամբ ստացած օգուտները։ Այն կարող է օգնել քեզ նաև 2000 թ.–ին, եթե լրիվ մասնակցություն ունենաս և կիրառես այնտեղ տրվող խորհուրդները։
2 Առաջադրանքների և գործածվելիք գրականության ցանկը տրված է Դպրոցի 2000 թ. ծրագրի առաջին էջում։ Այնտեղ ներկայացված է նաև յուրաքանչյուր մասին հատկացված ժամանակը, թեմայի աղբյուրն ու ներկայացնելու ձևը և ուրիշ մանրամասնություններ։ Խնդրում ենք ժամանակ տրամադրել այդ ցուցումներն ուշադրությամբ կարդալուն և դրանք կիրառելուն։
3 Աստվածաշնչի շաբաթական ընթերցանություն։ Դպրոցի ծրագրում ներկայացվում են Աստվածաշնչի երկու իրարից տարբեր ընթերցանության ծրագրեր։ Առաջինը՝ ընթերցանության հիմնական ծրագիրն է, որը շաբաթական ընդգրկում է մոտավորապես 5 էջ։ Այս ծրագրի վրա է հիմնված է Աստվածաշնչի ընթերցանությունից ուշագրավ կետերի քննարկումը։ Մյուսն Աստվածաշնչի ընթերցանության լրացուցիչ ծրագիրն է և կրկնակի անգամ շատ նյութ է պարունակում, քան առաջինը։ Այս երկրորդ ծրագրին հետևելով՝ կարելի է ամբողջ Աստվածաշնչի ընթերցանությունն ավարտել երեք տարում։ Հասկանալի է, որ կլինեն ոմանք, որ կցանկանան լրացուցիչ ծրագրում տրվածից ավելին կարդալ. մյուսներն, ընդհակառակը, գուցե չկարողանան համաքայլ ընթանալ այդ ծրագրի հետ։ Հետևաբար, ուրիշների հետ համեմատվելու փոխարեն, ուրախացիր այնքանով, որքան որ ի վիճակի ես անելու (Գաղ. 6։4)։ Կարևորն այն է, որ Աստծո Խոսքն ընթերցես ամեն օր (Սաղ. 1։1—3)։
4 Աստվածապետական ծառայության դպրոցում գրվելու համար պետք է դիմել Դպրոցի վերակացուին։ Աշխատիր լուրջ մոտեցում ցուցաբերել ստացածդ առաջադրանքներին և առանց պատճառի չհրաժարվել դրանցից։ Դպրոցը նկատիր որպես Եհովայի կողմից տրված միջոցառում։ Լավ նախապատրաստվիր, ամբողջությամբ ծանոթացիր նախատեսված նյութին և արտահայտվիր սրտիցդ բխող սեփական բառերով։ Այդպես վարվելով՝ մեծ օգուտներ կքաղես այս յուրահատուկ Դպրոցից։