Կանոնավորաբա՞ր ես քարոզում Թագավորության լուրը

¹ Բոլորիս համար էլ ուրախալի էր իմանալ 1999 թ. նոյեմբերին Հայաստանում գրանցված քարոզիչների բարձրագույն թվի մասին՝ 5 469 հոգի։ Իսկապես, դա միասնական և հաստատուն ուժերով կատարված աշխատանքի արդյունք է։ Սակայն ինչպես ցույց են տալիս հաշվետվությունները, թեև մեր տարածքում մեծ աճ է նկատվում, ոմանց համար դժվար է Թագավորության լուրը կանոնավորաբար քարոզել։ Հուսով ենք, որ այս հոդվածում բերված քաջալերող մտքերը կօգնեն հաղթահարելու գոյություն ունեցող իրավիճակը։

² Գնահատիր առանձնաշնորհումդ։ Մենք պետք է բարձր գնահատենք Թագավորության բարի լուրը մարդկանց հաղորդելու առանձնաշնորհումը։ Այդ գործը ուրախացնում է Եհովայի սիրտը և օգնում է անկեղծ սրտով անհատներին ճանաչել կյանքի տանող ճանապարհը (Առակ. 27։11; Ա Տիմոթ. 4։16)։ Քարոզչության մեջ կանոնավոր լինելով՝ մենք փորձ ենք ձեռք բերում ծառայության մեջ, իսկ արդյունքում՝ ուրախություն և բավականություն ստանում։

³ Ներկայացրու ծառայությանդ հաշվետվությունը։ Քարոզչությանը մասնակցողներից ոմանք լուրջ չեն վերաբերվում հաշվետվությունը ժամանակին հանձնելուն։ Եկեք երբեք չմտածենք, թե մեր ջանքերն այնքան աննշան են, որ չարժե դրանց մասին հաշվետվություն տալ (համեմատիր Մարկ. 12։41—44)։ Մենք անպայման պետք է հանձնենք մեր կատարած աշխատանքի հաշվետվությունը։ Կարելի է որևէ թերթիկի կամ, օրինակ, օրացույցի վրա, նշել ծառայության մեջ անցկացրած ժամերը. դա որպես հիշեցում կծառայի մեզ համար, որպեսզի անմիջապես ամիսն ավարտվելուն պես կազմենք մեր ծառայության ճշգրիտ հաշվետվությունը։

⁴ Անհրաժեշտ օգնություն ցույց տուր։ Ժողովում կարելի է միջոցներ ձեռք առնել՝ օգնության անհրաժեշտություն զգացող անհատներին աջակցելու նպատակով, որպեսզի վերջիններս կանոնավորաբար մասնակցեն ծառայությանը։ Ժողովի քարտուղարն ու Գրքի ուսումասիրության ղեկավարները այդ հարցով կխնդրեն փորձառու քարոզիչներին՝ նրանց օգնություն ցույց տալու նպատակով։ Եթե երեխադ կամ նրանք, ում հետ Աստվածաշունչ ես ուսումնասիրում, չմկրտված քարոզիչներ են, սովորեցրու նրանց ամեն ամիս հաշվետվություն հանձնել։

⁵ Հիշենք «Դիտարան» պարբերագրի 1997 թ. հոկտեմբերի 1–ի համարում (ռուս.) զետեղված «Երկար և ուրախ կյանք Եհովայի ծառայության մեջ» վերնագրով հոդվածը, որտեղ պատմվում է նորվեգացի մի քրոջ՝ Օթթիլլի Միդլանդի մասին։ Քույր Օթթիլին կանոնավոր քարոզիչ է դարձել դեռ իր մկրտությունից առաջ՝ 1921–ին։ 76 տարի անց՝ 99 տարեկան հասակում, նա ասել էր. «Ես երջանիկ եմ, որ կարողացել եմ մինչև հիմա կանոնավոր քարոզիչ մնալ»։ Սա մի հիանալի վերաբերմունք է ծառայության նկատմամբ, որը կարող են ընդօրինակել բոլոր Եհովային ծառայողները։