Ուշադիր եղեք ձեր տարածքում համր անհատների հանդիպելիս

¹ Եհովան հետևյալ հրավերն է բոլորին ուղղում. «Թող գայ, ....ով ուզում է առնել կենաց ջուրը՝ ձրի» (Յայտն. 22։17)։ Այս կոչին արձագանքողների մեջ աճում է համրերի թիվը։ Որպես արդյունք՝ վերջին չորս տարիներին Ռուսաստանի մասնաճյուղի հովանավորության տակ գտնվող երկրներում ժեստերի լեզվով ութ ժողով և շատ խմբեր են կազմավորվել։

² Չնայած ժեստերի լեզվով ժողովները և խմբերը իրենց բոլոր ջանքերն ուղղում են խուլ և համր անհատների հետ կապ հաստատելուն, դեռևս շատ կան այդպիսի անհատներ, որոնց նույնպես հարկավոր է գտնել և վկայություն տալ։

³ Ինչպե՞ս կարող եք դուք օգնել։ Հասարակական վայրերում գտնվելիս նկատե՞լ եք ժեստերի լեզվով հաղորդակցվող անհատների։ Աշխատավայրում կամ դպրոցում ճանաչո՞ւմ եք որևէ մեկի, որի ընտանիքում համր անհատ կա։ Առօրյա գործերով զբաղվելիս ուշադիր եղեք համր անհատների հանդիպելիս։ Իսկ ինչպե՞ս վստահ լինել, որ նրանք հնարավորություն կունենան լսել Թագավորության ավետիսը։

⁴ Վկայություն տվեք։ Մոտակայքում գտնվող ժեստերի լեզվով ժողովին կամ խմբին տեղեկացրեք համր անհատի հասցեն։ Այդպիսի անհատներից շատերը հոգևոր առումով ավելի արագ են առաջադիմում, երբ հաղորդակցվում են համր Վկաների հետ՝ հաճախելով ժեստերի լեզվով անցկացվող ժողովի հանդիպումներին։ Ուստի, եթե ձեր տարածքում կա ժեստերի լեզվով ժողով կամ խումբ, ձեր ժողովի քարտուղարը պետք է բոլոր համր անհատների մասին տեղեկությունները ուղարկի այդ ժողով կամ խումբ։

⁵ Իսկ ինչպե՞ս վարվել այն դեպքերում, եթե մոտակայքում չկա մեկը, որ կարողանա հոգևոր օգնություն ցույց տալ ձեր շրջակայքում բնակվող համր անհատներին։ Ինչպե՞ս կարող եք օգնել նրանց։ Ինչո՞ւ չփորձել կրկնակի այցելություն կատարել և զրուցել այդ ընտանիքի անդամներից մեկի հետ, որը համր չէ։ Առաջարկիր դիտել ժեստերի լեզվով որևէ տեսաերիզ, որը կարող է հետաքրքրել համր անհատին։ Քարոզիչներից ոմանք նույնիսկ սովորել են ժեստերի լեզուն, որպեսզի ավելի արդյունավետ լինի համրերի հետ հաղորդակցվելը (Գործք 16։9, 10)։ Ռուսերեն ժեստերի լեզվով թողարկվել է «Աստված պահանջում է» գրքույկը տեսաերիզի վրա։ Այս «գործիքների» օգնությամբ Աստվածաշնչի ուսումնասիրությունները շատ դրական արդյունքներ են տվել։

⁶ Ձեր տարածքում համր անհատների հանդիպելիս ուշադիր լինելով՝ կարող եք աջակցություն ցույց տալ նրանց, որպեսզի նրանք էլ «առնե[ն] կենաց ջուրը՝ ձրի» (Մատթ. 10։11)։