Օգուտներ քաղիր «Արյուն՝ ոչ մի դեպքում. բժշկությունն ընդառաջում է» տեսաֆիլմից
Որքա՞ն տեղեկություն ունես այն մասին, թե բուժման ինչ տարբերակներ են առաջարկվում անարյուն վիրաբուժության ասպարեզում։ Գիտե՞ս, թե որոնք են արյան ներարկմանը փոխարինող մեթոդներից մի քանիսը, և ի՞նչ են իրենցից ներկայացնում։ Դիտիր այս տեսաֆիլմը և ստուգիր քո գիտելիքները ստորև բերված հարցերով։ (Ուշադրություն. քանի որ տեսաֆիլմում ընդգրկված են վիրահատության կարճ տեսարաններ, հարկավոր է, որ ծնողները խոհեմություն ցուցաբերեն, երբ որոշելու լինեն, թե արդյոք իրենց փոքր երեխաները պետք է դիտեն այն։)
1) Գլխավորապես ինչո՞ւ են Եհովայի վկաները հրաժարվում արյան փոխներարկումից, և Աստվածաշնչի ո՞ր հատվածներում է գտնվում այդ սկզբունքը։ 2) Երբ բուժօգնության անհրաժեշտություն է առաջանում, ի՞նչ ցանկություն ենք արտահայտում մենք։ 3) Ի՞նչ իրավունք ունեն հիվանդները։ 4) Ինչո՞ւ է խելամիտ հրաժարվել արյան փոխներարկումից։ 5) Երբ մարդը մեծ քանակությամբ արյուն է կորցնում, ի՞նչ երկու հրատապ խնդրի առջև են կանգնում բժիշկները։ 6) Առողջությանը սպառնացող ի՞նչ վտանգներով է հղի արյան փոխներարկումը։ 7) Որո՞նք են այն միջոցները, որ հնարավորություն են տալիս վիրաբույժներին նվազեցնել արյան կորուստը վիրահատության ընթացքում։ 8) Ի՞նչ տեղեկություններ պետք է ձգտես ստանալ ներարկմանը փոխարինող ցանկացած մեթոդի վերաբերյալ։ 9) Հնարավո՞ր է արդյոք բարդ վիրահատություններ կատարել՝ առանց արյան փոխներարկման։ 10) Եհովայի վկաներին օգնելու նպատակով ի՞նչ են պատրաստ անել ավելի ու ավելի մեծ թվով բժիշկներ, և ի վերջո ի՞նչը գուցե բուժման ստանդարտ մեթոդ դառնա բոլոր հիվանդների համար։
Յուրաքանչյուր ոք իր խղճի թելադրանքով անձամբ պետք է որոշի՝ ընդունե՞լ տեսաֆիլմում ներկայացված մեթոդներից որևէ մեկը, թե՞ ոչ (տե՛ս «Դիտարանի» 2004 թ. հունիսի 15–ի համարը, էջ 22–24, 29–31, և 2000 թ. հոկտեմբերի 15–ի համարը, էջ 30, 31)։