Տարածելու ենք Հիշատակի երեկոյի հրավիրատոմսերը

1. Ի՞նչ միջոցառում է նախատեսվում Հիշատակի երեկոյից առաջ ամբողջ աշխարհում։

¹ «Սա արեք իմ հիշատակի համար» (Ղուկ. 22։19)։ Հնազանդվելով Հիսուսի այս պատվերին՝ ամբողջ աշխարհում Եհովայի երկրպագուները 2010 թ.–ի մարտի 30–ին Աստվածաշնչի ճշմարտությամբ հետաքրքրվող մարդկանց հետ կհավաքվեն, որպեսզի հիշեն Հիսուսի մահը։ Մարտի 13–ից մինչև մարտի 30–ը մենք ամբողջ աշխարհում կտարածենք Հիշատակի երեկոյի հրավիրատոմսերը։

2. Ինչպե՞ս կարող ենք առաջարկել հրավիրատոմսը։

² Ինչպես առաջարկել։ Կարող ես հրավիրատոմսը պահել այնպես, որ բնակիչը տեսնի շապիկի պատկերազարդումը։ Հետո կարող ես ասել. «Մարտի 30–ին՝ երեկոյան, ամբողջ աշխարհում միլիոնավոր մարդիկ հավաքվելու են, որպեսզի հիշեն Հիսուսի մահը։ Ես եկել եմ, որ ձեզ և ձեր ընտանիքի անդամներին տամ այս հրավիրատոմսը։ Ուրախ կլինենք, եթե գան նաև ձեր ընկերները։ Այստեղ նշված է, թե երբ և որտեղ է այն տեղի ունենալու»։ Կախված հանգամանքներից՝ գուցե որոշես Աստվածաշնչից ընթերցել Ղուկաս 22։19–ը՝ ցույց տալով, թե սուրբգրային որ պատվիրանին հնազանդվելով ենք անում այդ միջոցառումը։ Ամեն դեպքում չպետք է մոռանանք, որ ամբողջ տարածքն անցնելու համար սահմանափակ ժամանակ ունենք ու երկար չենք կարող խոսել յուրաքանչյուր մարդու հետ։

3. Ո՞ւմ կարող ենք հրավիրել։

³ Եթե ժողովի տարածքը մեծ է, երեցները կարող են քարոզիչներին խորհուրդ տալ, որ առաջին իսկ այցելության ժամանակ հրավիրատոմսերը թողնեն այն տներում, որտեղ դուռը բացող չի եղել։ Եթե հարմար է, հանգստյան օրերին հրավիրատոմսերի հետ կարելի է նաև պարբերագիր առաջարկել։ Անպայման հրավիրիր քո «վերայցելություններին», Աստվածաշունչ ուսումնասիրողներին, աշխատակիցներին, համադասարանցիներին, բարեկամներին, հարևաններին և այլ ծանոթների։

4. Ի պատասխան Եհովայի ցուցաբերած սիրուն՝ ի՞նչ կցանկանանք անել։

⁴ Ձգտիր լիարժեք մասնակցել։ Հիշատակի երեկոյին նախորդող և հաջորդող շրջանը հրաշալի ժամանակ է՝ ավելացնելու քարոզչական ծառայությունը։ Կարո՞ղ ես գործերդ այնպես կազմակերպել, որ ծառայես ենթառահվիրա։ Իսկ եթե քո երեխան կամ Աստվածաշունչ ուսումնասիրողը զգալիորեն աճել է հոգևորապես, կարող ես մոտենալ երեցներին և խնդրել, որ ստուգեն, թե արդյոք նրանք կարող են դառնալ չմկրտված քարոզիչներ ու մասնակցել այս հատուկ արշավին։ Հասկանալով և գնահատելով, թե ինչ մեծ սեր է Եհովան դրսևորել մեր հանդեպ՝ փրկանքը տալով՝ մենք կցանկանանք ոչ միայն ինքներս ներկա լինել Հիշատակի երեկոյին, այլև հնարավորին չափ շատերին հրավիրել (Հովհ. 3։16)։