Մեկօրյա հատուկ համաժողովի նոր ծրագիրը
2000 թ. սեպտեմբեր ամսից կսկսեն անցկացվել «Մտքով չափահաս եղեք» խորագրով մեկօրյա հատուկ համաժողովները (Ա Կորնթ. 14։20)։ Ինչո՞վ է օգտակար այս համաժողովին ներկա գտնվելը։ Այսօր մենք ապրում ենք չարությամբ լեցուն մի աշխարհում։ Եվ որպեսզի կարողանանք դիմակայել աշխարհի ճնշմանը և բարիով հաղթել չարին, պետք է էլ ավելի խորությամբ ըմբռնենք հոգևոր հարցերը։ Մեկօրյա հատուկ համաժողովի ծրագիրը կօգնի մեզ դրանում։
Ծրագիրը կբացի շրջանային վերակացուն՝ «Ինչպես Աստվածաշնչի հասկացողության մեջ չափահաս դառնալ» վերնագրով ելույթով։ Նա ցույց կտա, թե ինչպես կարելի է ամրանալ քրիստոնեական հավատի մեջ։ Մի հրավիրված հռետոր էլ իր ելույթում կլուսաբանի այն հարցը, որ «զգայարանները» մարզելու մեջ կարևոր դեր է կատարում սուրբգրային սկզբունքների կիրառումը։ Նա հանդես կգա «Ապահովենք մեր հոգեվոր վիճակը՝ «զգայարանները» մարզելով» վերնագիրը կրող ելույթով։
Երիտասարդները նույնպես պետք է աճեն հասկացողության մեջ։ Այս մասին կքննարկվի «Ինչո՞ւ լինել «երեխայ չարութիւն գործելու մէջ»» և «Հասկացողություն ձեռք բերող երիտասարդներն այսօր» վերնագրերի տակ։ Մի քանի երիտասարդ քրիստոնյաներ կպատմեն, թե ինչպես են իրենց հոգևորապես կոփում, որպեսզի ի վիճակի լինեն հսկողության տակ առնել աշխարհի նկատմամբ դրսևորվող ցանկացած հետաքրքրասիրություն և խուսափել սխալ արարքներից։
Ինչպե՞ս երջանկություն գտնել կյանքում։ Հրավիրված հռետորը պարզաբանում է այս հարցը «Աստվածաշնչային սկզբունքները հասկացողությամբ կիրառելուց օգուտներ ենք ստանում» վերնագրով եզրափակիչ ելույթում։ Նա օրինակներ կբերի, որոնք ցույց են տալիս, որ Աստծո Խոսքի կիրառումը կարող է օգնել մեզ հաղթահարել դժվարությունները, որոշումներ կայացնել և օգուտներ քաղել Եհովայի ուսուցումներից։
Եթե որևէ մեկը ցանկանում է այս համաժողովին ջրի մկրտությամբ խորհրդանշել իր նվիրումն Աստծուն, պետք է այդ մասին որքան հնարավոր է շուտ տեղեկացնի ժողովի նախագահող վերակացուին։ Համաժողովի ամսաթիվը հայտարարվելուն պես նշիր օրացույցիդ մեջ և ամեն կերպ ձգտիր ներկա գտնվել ու օգուտներ քաղել այդ արժեքավոր ծրագրից։ Աշխատիր ոչ մի մաս բաց չթողնել այս հատուկ մեկօրյա համաժողովի ծրագրից։ Ձեռք բերված գիտելիքները կզորացնեն քեզ, որպեսզի կարողանաս տոկալ այս չար համակարգում և հավատարիմ մնալ Եհովային։