Հիշեցումներ Հիշատակի երեկոյի համար

 Հիշատակի երեկոն այս տարի նշվելու է ապրիլի 4–ին՝ կիրակի օրը։ Երեցները պետք է ուշադրություն դարձնեն ներքոհիշյալ հարցերին.

◼ Հանդիպման ժամը որոշելիս հարկավոր է ուշադիր լինել, որպեսզի խորհրդանիշները մինչև մայրամուտ չփոխանցվեն։

◼ Բոլորին, այդ թվում նաև ելույթ ունեցողին, պետք է տեղեկացնել Երեկոյի ճիշտ ժամի և անցկացման վայրի մասին։

◼ Համապատասխան հացը և գինին հարկավոր է նախապես ձեռք բերել և պատրաստ պահել (տե՛ս «Դիտարանի» 2003 թ. փետրվարի 15–ի համարը, էջ 14, 15)։

◼ Ափսեները, բաժակները, հարմար սեղանը և սփռոցը պետք է սրահ բերել և նախօրոք տեղավորել։

◼ Թագավորության սրահը կամ այն վայրը, որտեղ կայանալու է հանդիպումը, պետք է նախապես լավ մաքրել։

◼ Հարկավոր է նախօրոք սպասարկուներ և խորհրդանիշները մատուցող եղբայրներ նշանակել ու տեղեկացնել նրանց իրենց պարտականությունների, արարողությունը պատշաճ կերպով անցկացնելու կարգի և վայելուչ հագուստ ու արտաքին տեսք ունենալու մասին։ Ներկաներին խորհրդանիշները մատուցելուց հետո եղբայրները պետք է նստեն առաջին շարքում, որպեսզի ելույթ ունեցող եղբայրը նրանց մատուցի խորհրդանիշները։ Վերջում նրանցից մեկը խորհրդանիշները կմատուցի ելույթ ունեցող եղբորը։

◼ Պետք է հոգ տանել սպասարկելու համար այն բոլոր օծյալներին, որոնք հիվանդ են և ի վիճակի չեն ներկա գտնվելու Երեկոյին։

◼ Եթե Հիշատակի երեկոյին միևնույն Թագավորության սրահից օգտվելու են մեկից ավելի ժողովներ, պետք է հստակ պայմանավորվածություն լինի այդ ժողովների միջև, որպեսզի նախասրահում, մուտքի մոտ և մայթերին մարդիկ չխմբվեն և կայանատեղիներում ավելորդ կուտակումներ չլինեն։