Ուսումնասիրելու ենք «Ընտանեկան երջանկություն» գիրքը

¹ «Արտասվելու չափ հուզվել էի։ Այդ գրքում տրվում են ողջամիտ և շատ ժամանակահարմար խորհուրդներ,— գրեց մի ընթերցող «Ընտանեկան երջանկության գաղտնիքը» գրքի մասին։— Ես պարզապես ցնցվել էի։ Այստեղ մանրամասնորեն և նուրբ հասկացողությամբ քննարկվում են գործնականում բոլոր այն խնդիրները, որ կարող են լինել ընտանիքում.... Սիրտս այնքան լցված էր, որ 8–րդ գլխի մեջտեղում կանգ առա ու սկսեցի գրել այս նամակը։ Որովհետև այլևս չէի կարողանում համբերել»։ Այս երախտապարտ ընթերցողը (ԱՄՆ) ավելացրեց. «Աղոթում եմ, որ իմ ընտանիքի անդամները, ինչպես նաև շատ ուրիշներ, որ ապրում են աշխարհի տարբեր անկյուններում, հատուկ ուշադրություն դարձնեն այս գրքում եղող հրաշալի մտքերին»։

² 13–ամյա մի աղջիկ՝ Ուլրիկեն, գրեց. «Շատ շնորհակալ եմ, որ գրքում ընդգրկված է «Ոչ լրիվ ընտանիքները կարո՛ղ են հաջողության հասնել» գլուխը։ Այն օգնեց ինձ ավելի խելոք լինելու և մղեց ավելի շատ օգնելու մայրիկին. նա միայնակ ծնող է։ Այս գլխի շնորհիվ նաև ավելի լավ հասկացա, թե ինչ է զգում մայրիկս։ Առաջ մտածում էի, թե միայն ես եմ տանջվում»։ Նամակի վերջում Ուլրիկեն գրեց. «Գիրքն ինձ շատ օգնեց»։ «Ընտանեկան երջանկության գաղտնիքը» գիրքը կարող է օգտակար լինել ընտանիքի բոլոր անդամներին՝ ամուսիններին, կանանց, ծնողներին, երեխաներին, տատիկ–պապիկներին, այո՛, յուրաքանչյուրին։ Այդ գրքի ուշագրավ գլուխներից են՝ «Երեխային դաստիարակեք մանուկ հասակից», «Օգնեք ձեր դեռահասին «բարգավաճել»», «Պաշտպանեք ձեր ընտանիքը վնասակար ազդեցություններից», «Տան մեջ խաղաղություն պահպանեք»։

³ Անշուշտ, բոլորս ուրախացանք, երբ իմացանք, որ սկսած 2010 թ. մարտի 1–ով սկսվող շաբաթից՝ Աստվածաշնչի ուսումնասիրության հանդիպմանը քննարկելու ենք «Ընտանեկան երջանկության գաղտնիքը» գիրքը։ Եկեք միշտ ներկա լինենք հանդիպումներին, որպեսզի կարողանանք մասնակցել Աստվածաշնչի վրա հիմնված այս գործնական ուղեցույցի ուսումնասիրությանը, գիրք, որը կարող է ընտանիքը երջանիկ դարձնել։ Ուսումնասիրության գրաֆիկը հնարավորություն կտա ամենայն մանրամասնությամբ քննելու յուրաքանչյուր պարբերություն և սուրբգրային համար։ Կնկատենք, որ բավականաչափ ժամանակ կլինի բազմաթիվ համարներ կարդալու և քննարկելու համար, ինչպես նաև ուշադիր քննելու բերված շատ սուրբգրային մեջբերումների գործնական կիրառությունը։ Ուսումնասիրության կարևոր մաս կլինի յուրաքանչյուր գլխի վերջում զետեղված շրջանակի նյութը։ Հետևաբար Աստվածաշնչի ուսումնասիրության հանդիպումն անցկացնող եղբայրը պետք է բավական ժամանակ պահի շրջանակում բերված սուրբգրային սկզբունքները քննարկելու համար։

⁴ Աստվածաշնչի ուսումնասիրության հանդիպումն անցկացնող եղբայրները պետք է լավ պատրաստվեն, հորդորեն ժողովի բոլոր անդամներին, այդ թվում նաև նորերին, որ լավ պատրաստվեն հանդիպմանը, կանոնավորաբար ներկա լինեն և մասնակցեն քննարկումներին։

[Հարցեր ուսումնասիրության համար]

1, 2. ա) Ի՞նչ տպավորություն է թողել «Ընտանեկան երջանկություն» գիրքը մարդկանց վրա։ բ) Ինչպե՞ս կարող ենք օգուտներ քաղել այս գրքից։

3. «Ընտանեկան երջանկությունը» գրքի ուսումնասիրության հետ կապված ի՞նչը պետք է լինի մեր նպատակը։

4. Աստվածաշնչի ուսումնասիրության հանդիպումն անցկացնող եղբայրները ինչպե՞ս կարող են օգնել ժողովի բոլոր անդամներին, որ օգուտներ քաղեն ուսումնասիրությունից։