Աստծու Խոսքը օգտակար է սովորեցնելու համար

1. Ո՞րն է 2014թ. ծառայողական տարվա շրջանային համաժողովի խորագիրը, և ո՞ր հարցի պատասխանը կիմանանք այդ համաժողովում։

¹ Մեր «Մեծ Ուսուցիչը»՝ Եհովան, լավագույն ուսուցիչն է (Ես. 30։20, 21)։ Ինչպե՞ս է նա կրթում մեզ։ Եհովան մեզ տվել է բոլոր գրքերից լավագույնը՝ իր Խոսքը՝ Աստվածաշունչը։ Ինչպե՞ս կարող է աստվածային կրթությունը օգնել մեզ ֆիզիկական, մտային, էմոցիոնալ և հոգևոր առումներով։ Այս հարցի պատասխանը կստանանք 2014թ. ծառայողական տարվա շրջանային համաժողովում, որի խորագիրն է՝ «Աստծու Խոսքը օգտակար է սովորեցնելու համար»՝ հիմնված 2 Տիմոթեոս 3։16-ի վրա։

2. Ո՞ր հարցերի պատասխաններն են ծրագրի հիմնական մտքերը։

² Հիմնական մտքերը։ Հետևյալ հարցերի պատասխանները, որոնք կհնչեն համաժողովում, ծրագրի հիմնական մտքերն են.

• Ի՞նչ ազդեցություն է թողնում աստվածային կրթությունը մեր կյանքի վրա (Ես. 48։17, 18)։

• Ինչո՞ւմ կարող ենք վստահ լինել, եթե ձգտում ենք փոփոխություններ անել, որպեսզի ծառայենք լիաժամ (Մաղ. 3։10)։

• Ինչպե՞ս պետք է արձագանքենք, երբ բախվում ենք «օտար ուսմունքների» (Եբր. 13։9)։

• Ինչպե՞ս կարող ենք ընդօրինակել Հիսուսի «սովորեցնելու կերպը» (Մատթ. 7։28, 29)։

• Ինչո՞ւ նրանք, ովքեր սովորեցնում են ժողովում, պետք է իրենք իրենց սովորեցնեն (Հռոմ. 2։21)։

• Ինչի՞ համար է Աստծու Խոսքը օգտակար (2 Տիմոթ. 3։16)։

• Ի՞նչ է մարդկանց համար նշանակում ազգերին «ցնցելը» (Անգե 2։6, 7)։

• Որքանո՞վ է Եհովան վստահում մեզ (Եփես. 5։1)։

• Ինչո՞ւ պետք է ամեն ջանք անենք, որպեսզի շարունակ կրթվենք Եհովայի կողմից (Ղուկ. 13։24)։

3. Ինչո՞ւ է կարևոր ներկա լինել համաժողովին և ուշադիր լսել ծրագիրը։

³ Պողոս առաքյալը 2 Տիմոթեոս 3։16-ի խոսքերն ասելուց առաջ նկարագրում է այն դժվար ժամանակները, որ լինելու էին վերջին օրերում։ Նա գրեց. «Չար և խաբեբա մարդիկ ավելի ու ավելի առաջ կգնան չարության մեջ՝ մոլորեցնելով ու մոլորվելով» (2 Տիմոթ. 3։13)։ Որպեսզի չմոլորվենք, շատ կարևոր է սովորել Աստծուց և կիրառել սովորածը։ Ուստի եկեք անպայման ներկա լինենք այս ժամանակահարմար համաժողովին և ուշադրությամբ լսենք ծրագիրը։