Բարելավենք մեր հմտությունները ծառայության մեջ. պատրաստենք առաջաբան

Ինչու է կարևոր։ Եթե առաջաբանը հետաքրքրություն չառաջացնի, ապա տանտերը կարող է ընդհատել զրույցը, նախքան մենք կհասցնենք վկայություն տալ։ Հետևաբար, շատ քարոզիչներ առաջաբանի խոսքերը մատուցման ամենակարևոր մասն են համարում։ Թեև «Մեր թագավորական ծառայությունը» թերթիկը և «Տրամաբանել» գիրքը մեզ առաջարկում են մատուցումներ, սակայն միշտ չէ, որ դրանք ներառում են նախաբան, ինչը թույլ է տալիս քարոզչին ճկուն լինել։ Նույնիսկ եթե կա պատրաստի նախաբան, քարոզիչները գուցե նախընտրեն փոխել այն կամ մեկ ուրիշ առաջաբան պատրաստել։ Ուստի մենք ավելի արդյունավետ քարոզիչներ կլինենք, եթե պատրաստենք հետաքրքիր առաջաբան և ոչ թե ասենք այն, ինչ մեր միտքը կգա այն պահին, երբ տանտերը բացի դուռը (Առակ. 15։28)։