Մատուցումներ

«Որտե՞ղ կարող ենք գտնել կյանքի կարևոր հարցերի պատասխանները»

Թերթիկը տուր տանտիրոջը, որպեսզի նա տեսնի վերնագիրը, և ասա. «Բարի օր։ Մենք մասնակցում ենք ողջ աշխարհում տեղի ունեցող մի քարոզարշավի՝ այս կարևոր տեղեկությունը հայտնելու համար։ Սա Ձեր օրինակն է»։

Եթե թերթիկը պետք է թողնես փակ դռների առաջ, ապա այնպիսի տեղում դիր, որ մարդկանց տեսադաշտում չլինի, և անհարկի մի՛ ծալիր այն։

Եթե տանտերը հետաքրքրություն է ցույց տալիս կամ ցանկանում է զրուցել, ապա հարցրու, թե ստորև բերված տարբերակներից որն է ճիշտ նրա կարծիքով։ Բաց արա թերթիկը և ցույց տուր Հովհաննես 17։17 համարից մեջբերված խոսքերը։ Ասա, որ թերթիկը պարունակում է տեղեկություն մի վեբ կայքի մասին, որը կարող է օգնել նրան Աստվածաշնչից գտնելու իրեն հուզող հարցերի գոհացուցիչ պատասխանները։ Գուցե հարմար լինի ցույց տալ «Ինչո՞ւ արժե ուսումնասիրել Աստվածաշունչը» տեսահոլովակը։ Նախքան հեռանալը նրա ուշադրությունը հրավիրիր թերթիկի հետևի էջում գտնվող երեք հարցերի վրա և իմացիր, թե որ հարցն է նրան ամենից շատ հետաքրքրում։ Նշիր, որ կարող ես վերադառնալ և ցույց տալ, թե ինչպես գտնել այդ հարցի պատասխանը Աստվածաշնչից՝ օգտվելով jw.org/hy-armn կայքից։ Երբ վերադառնաս, քննարկիր այդ հարցը՝ օգտվելով կայքից՝ ԱՍՏՎԱԾԱՇՆՉՅԱՆ ՈՒՍՄՈՒՆՔՆԵՐ> ԱՍՏՎԱԾԱՇՆՉՅԱՆ ՀԱՐՑԵՐ ՈՒ ՊԱՏԱՍԽԱՆՆԵՐ։

Եթե այս ընթացքում տարածում ես նաև տարածաշրջանային համաժողովի հրավիրատոմսերը, կարող ես թերթիկի հետ տալ հրավիրատոմսը և ասել. «Սա մի միջոցառման հրավիրատոմս է, որը տեղի է ունենալու շուտով։ Մուտքն ազատ է»։

Դիտարան 1 օգոստոսի

Շաբաթ-կիրակի օրերին, եթե տեղին է, «Դիտարանը» առաջարկելիս ասա. «Մենք նաև ցանկանում ենք առաջարկել Ձեզ մեր ընթացիկ ամսագրերը։ «Դիտարանի» այս թողարկումը պատասխանում է հետևյալ հարցին՝ Աստված հետաքրքրվա՞ծ է քեզնով»։

Արթնացե՛ք օգոստոս

Շաբաթ-կիրակի օրերին, եթե տեղին է, «Արթնացե՛ք»-ը առաջարկելիս ասա. «Մենք նաև ցանկանում ենք առաջարկել Ձեզ մեր ընթացիկ ամսագրերը։ «Արթնացե՛ք»-ի այս թողարկումը պատասխանում է հետևյալ հարցին՝ ինչպե՞ս կարող են մարդիկ խաղաղություն ունենալ միմյանց հետ»։