ԳԱՆՁԵՐ ԱՍՏԾՈՒ ԽՈՍՔԻՑ | ԵՐԵՄԻԱ 51, 52
Եհովայի խոսքը ամենայն մանրամասնությամբ կատարվում է
Եհովան ճշգրտությամբ ասել էր, թե ինչ է լինելու ապագայում
Պարսկական թագավորական պահակախմբի նետաձիգ
«Փայլեցրե՛ք նետերը»
Մարերն ու պարսիկները հմուտ նետաձիգներ էին և նետն ու աղեղը նրանց հիմնական զենքն էր։ Նրանք «փայլեցնում», այսինքն՝ սրում էին իրենց նետերը, որպեսզի դրանք ավելի խորը մխրճվեին։
«Բաբելոնի զորեղ ռազմիկները դադարել են կռվելուց»
Նաբոնիդի տարեգրության մեջ ասվում է, որ «Կյուրոսի զորքը առանց կռվի մտավ Բաբելոն», այսինքն՝ ըստ ամենայնի, նրանց հատուկ դիմադրություն ցույց չտրվեց։ Ամեն ինչ եղավ այնպես, ինչպես որ ասվում էր Երեմիայի մարգարեության մեջ։
Նաբոնիդի տարեգրությունը
«Բաբելոնը քարերի կույտ կդառնա» և «ամայի վայր.... դարեդար»
Մ. թ. ա. 539 թ.-ից ի վեր Բաբելոնի փառքը սկսեց խամրել։ Ալեքսանդր Մեծը մտադրվել էր Բաբելոնը դարձնել իր տերության մայրաքաղաքը, բայց նա հանկարծամահ եղավ։ Առաջին դարում Բաբելոնում դեռևս հրեական համայնք կար, այդ պատճառով Պետրոսը այցելեց այդ քաղաք։ Բայց մ. թ. չորրորդ դարում Բաբելոնն արդեն վերածվել էր ավերակների, և ի վերջո այն դադարեց գոյություն ունենալուց։