Մտապահիր աստվածաշնչյան համարները

Երբևէ դժվարացե՞լ ես հիշել Աստվածաշնչի սիրածդ համարը։ Գուցե դա այն համարն է, որը մխիթարում է քեզ կամ օգնում ազատվել վատ մտքերից, կամ էլ թերևս ցանկանում ես այն կարդալ ուրիշի համար (Սաղ. 119։11, 111)։ Ահա մի քանի խորհուրդ, որոնք կօգնեն քեզ մտապահել աստվածաշնչյան համարները։

• Օգտագործիր JW Library^® հավելվածի «ավելացնել հավաքածու» ֆունկցիան։ Ստեղծիր «Սիրելի համարներ» վերնագրով հավաքածու և այնտեղ պահպանիր այն համարները, որոնք ցանկանում ես հիշել։

• Երևացող տեղում պահիր համարները։ Թղթի վրա գրի առ այն համարը, որն ուզում ես մտապահել, և այն դիր մի տեղ, ուր աչքդ հաճախ է ընկնում։ Ոմանք այն փակցնում են հայելուն, ոմանք էլ՝ սառնարանին։ Լավ տարբերակ է նաև լուսանկարել համարը և այն դարձնել հեռախոսի կամ համակարգչի էկրանի նկար։

• Օգտագործիր երկկողմանի քարտեր։ Մի կողմում գրի առ աստվածաշնչյան համարը, իսկ մյուս կողմում այն, թե ինչ է գրված այդ համարում։ Հետո փորձիր ասել համարում գրվածը՝ նայելով միայն համարին, կամ հակառակը՝ նայելով տեքստին՝ փորձիր հիշել, թե որտեղ է այն գրված։