Համաշխարհային գնաճ։ Ի՞նչ է ասում Աստվածաշունչը

2022 թ. հունիսին ներկայացված զեկույցում Համաշխարհային բանկի խմբի նախագահն ասաց. «Համաշխարհային տնտեսությունը կրկին վտանգի մեջ է։ Այս անգամ այն բախվում է բարձր գնաճի և միաժամանակ դանդաղ աճի հետ»։

«Վառելիքի և պարենային ապրանքների գներն արագորեն աճել են, ինչի հետևանքով ամենաշատը տուժել են ցածր եկամուտ ունեցող երկրների բնակիչները»,— նշում է Արժույթի միջազգային հիմնադրամը:

Աստվածաշունչն օգնում է մեզ հասկանալ, թե ինչու ենք նման տնտեսական խնդիրների առաջ կանգնում, ինչպես կարող ենք հաղթահարել դրանք, և արդյոք հույս կա, որ դրանք վերջնականապես կլուծվեն։

Գնաճ «վերջին օրերում»

• Ժամանակաշրջանը, որում ապրում ենք, Աստվածաշունչը կոչում է «վերջին օրեր» (2 Տիմոթեոս 3։1)։

• Հիսուսն ասաց, որ «ահազդու երևույթներ» կամ վախեցնող իրադարձություններ կլինեն այդ ընթացքում (Ղուկաս 21։11)։ Ինֆլյացիան վախեցնում է շատերին։ Մարդիկ անհանգստանում են իրենց ապագայի մասին։ Նրանք չգիտեն, թե արդյոք կկարողանան հոգալ իրենց ընտանիքի կարիքները։

• «Հայտնություն» գիրքը կանխագուշակել է, որ այս ժամանակաշրջանում գնաճ է լինելու. «Եվ մի ձայն լսեցի.... որն ասում էր. «Մի կապիճ ցորենը՝ մեկ դինար, երեք կապիճ գարին՝ մեկ դինար [մի ամբողջ օրվա աշխատավարձ]»» (Հայտնություն 6։6)։

«Վերջին օրերի» և «Հայտնություն» գրքի այս մարգարեության մասին ավելին իմանալու համար դիտեք «1914 թ.-ից ի վեր աշխարհը փոխվել է» տեսանյութը և կարդացեք «Չորս ձիավորների ինքնությունը» հոդվածը։

Բոլոր տնտեսական խնդիրների լուծումը

• «Նրանք տներ կշինեն ու կբնակվեն դրանցում, խաղողի այգիներ կտնկեն ու դրանց պտուղը կուտեն։ Նրանք չեն շինի, որ ուրիշը բնակվի, ու չեն տնկի, որ ուրիշը ուտի» (Եսայիա 65։21, 22)։

• «Ցորենի առատություն կլինի երկրի վրա, նույնիսկ սարերի գլուխների վրա» (Սաղմոս 72։16)։

• «Կեղեքվածների զրկանքի և աղքատների հեծեծանքի պատճառով ես կելնեմ հիմա,— ասում է Եհովան» (Սաղմոս 12։5)։a

Շուտով Աստված ամբողջ աշխարհում վերջ կդնի անարդար տնտեսական համակարգին։ Իմանալու համար, թե ինչպես կարդացեք «Արդարություն տնտեսական համակարգում. հնարավո՞ր է» հոդվածը։

Սակայն Աստվածաշունչը կարող է արդեն այսօր օգնել ձեզ, որ հաղթահարեք տնտեսական խնդիրները։ Ինչպե՞ս։ Այն պարունակում է գործնական խորհուրդներ, որոնք կարող են օգնել ձեզ իմաստնորեն ծախսել փողը (Առակներ 23։4, 5; Ժողովող 7։12)։ Ավելին իմանալու համար կարդացեք «Ապրուստի միջոցներ» և «Ինչպե՞ս ապրել քիչ գումարով» հոդվածները։