Նոր տեսահոլովակ Աստվածաշնչի ուսումնասիրություն սկսելու համար

Մեծ լսարանների համար jw.org կայքում տեղադրվել է կարճ տեսահոլովակ, որի վերնագիրն է «Ինչո՞ւ արժե ուսումնասիրել Աստվածաշունչը»։ Հոլովակի նպատակն է հետաքրքրություն ցույց տված անհատներին մղելու ընդունել Աստվածաշունչը ուսումնասիրելու մեր առաջարկը։ Այն կարելի է գտնել՝ կայքի գլխավոր էջի ներքևի մասում սեղմելով «Աստվածաշնչի անվճար ուսումնասիրություն» հղումը կամ սկան անելով նոր թերթիկների վերջին էջում գտնվող QR կոդը։ Մի քանի առաջարկներ, թե ինչպես օգտագործենք տեսահոլովակը։

• Երբ վերայցելություն ես կատարում, տանտիրոջն ասա. «Կարո՞ղ եմ ձեզ մի կարճ տեսահոլովակ ցույց տալ, որտեղ բացատրվում է, թե ինչպես կարող եք գտնել ձեր աստվածաշնչյան հարցերի պատասխանները»։ Եթե նա համաձայնվի, ապա քո հեռախոսով կամ նրա համակարգչով ցույց տուր նրան տեսահոլովակը։

• Ոչ պաշտոնական կամ հրապարակային վկայության ժամանակ ցույց տուր նոր թերթիկներից որևէ մեկի QR կոդը և առաջարկիր, որ զրուցակիցդ իր հեռախոսով այն սկան անի։ Քանի որ QR կոդը սկան անելով մեր կայքում շատ լեզուներով հնարավոր է անմիջապես դիտել տեսահոլովակը, կարելի է հենց ծառայության ժամանակ այն ցուցադրել։

• Քո աշխատակիցներին, դասընկերներին ու բարեկամներին պատմիր հոլովակի մասին և հնարավորության դեպքում ցույց տուր այն։ Կամ էլեկտրոնային փոստով նրանց ուղարկիր տեսահոլովակի հղումը և առաջարկիր դիտել այն։

Այս նոր մեթոդը կիրառելով՝ կարող ենք Աստվածաշնչի ուսումնասիրություն սկսել և հոգևորապես աջակցել նրանց, ովքեր «ճիշտ են տրամադրված հավիտենական կյանքի հանդեպ» (Գործ. 13։48)։