Բարելավենք մեր հմտությունները ծառայության մեջ. հաստատենք ամսագրերի մատակարարման երթուղի

Ինչո՞ւ է կարևոր։ Շատ մարդիկ թեև չեն ուզում ուսումնասիրել Աստվածաշունչը, բայց հաճույքով կարդում են մեր ամսագրերը։ Գուցե նրանք գոհ են իրենց կրոնից կամ պարզապես չունեն ուսումնասիրության ժամանակ։ Սակայն մեր ամսագրերը կանոնավորաբար կարդալով՝ նրանց մեջ կարող է «փափագ զարգանալ» Աստծու Խոսքի հանդեպ (1 Պետ. 2։2)։ Որևէ հոդված կարող է նրանց սրտին հասնել, կամ հնարավոր է՝ նրանց հանգամանքները փոխվեն։ Կանոնավոր, բայց կարճ այցելությունները հնարավորություն կտան, որ նրանք ավելի լավ ճանաչեն մեզ, մենք էլ կկարողանանք իմանալ, թե ինչ հետաքրքրություններ ու մտահոգություններ ունեն նրանք։ Արդյունքում հնարավոր է՝ Աստվածաշնչի ուսումնասիրություն սկսվի։