Մատուցումներ
Աստվածաշնչի ուսումնասիրություն սկսենք հունիս ամսվա առաջին շաբաթ օրը
«Մենք այցելել ենք ձեզ, որ հետաքրքիր հարց քննարկենք։ [Ցույց տուր հունիսի 1-ի «Դիտարանի» վերջին էջի առաջին հարցը։] Դուք ի՞նչ կարծիք ունեք»։ Թույլ տուր պատասխանել։ Միասին քննարկեք առաջին հարցի տակ գտնվող նյութը ու առնվազն մեկ համար։ Առաջարկիր ամսագիրը և պայմանավորվիր հաջորդ անգամ քննարկելու մյուս հարցը։
Դիտարան 1 հունիսի
«Ծխախոտը տարեկան սպանում է մոտ 6000000 մարդ։ Ձեր կարծիքով՝ հնարավո՞ր է ինչ-որ կերպ կանգնեցնել այս համաճարակը։ [Թույլ տուր պատասխանել։] Շատերը թողել են ծխելը կամ չեն սկսել ծխել, երբ իմացել են այդ հարցի վերաբերյալ Աստծու տեսակետը։ Օրինակ՝ այս աստվածաշնչյան համարը մղել է ոմանց մտածելու, թե ինչպես է ծխելը ազդում ուրիշների վրա։ [Կարդա՛ 1 Կորնթացիներ 10։24։] Այս ամսագիրը բացատրում է, թե ինչպես կարող է Աստծու տեսակետը իմանալն օգնել անհատին թողնելու ծխելը»։
Արթնացե՛ք հունիս
«Սոցիալական ցանցերի օգնությամբ շատերն այսօր հնարավորություն ունեն բազմաթիվ «ընկերներ» ձեռք բերելու։ Ըստ ձեզ՝ ի՞նչ կարևոր հատկություն պետք է ունենա իսկական ընկերը։ [Թույլ տուր պատասխանել։] Տեսեք, թե ինչ գործնական խորհուրդ է տալիս Աստվածաշունչը ընկերության մասին։ [Կարդա՛ Հակոբոս 1։19։] Այս ամսագրում խոսվում է չորս սկզբունքների մասին, որոնք կօգնեն մեզ լինելու այնպիսի անձնավորություն, ում հետ ուրիշները կցանկանան ընկերություն անել»։