Naddaga-raging i Matalo nga si Job

Nazziga, natayan, anna nattaki tu grabe si Job ngem matalo lagapa yaya. Yari tu pinurueban ni Satanas nga pakafian i nonona tapenu madaral i kinamatalona. Zimittal i tallu nga “kakavvulu.” Ta ollu, magappappe ira nga nakisimpatia. Kabalinna, pitu aggaw ira nga nagitubang ta biko ni Job nga awan tu kinagida sa tu maski tadday nga uvovug na pamanna-bannay. Tumunug, puru marake anna makapataki nga akusasion i kinagida sa.

Matalo lagapa si Job kani Jehova maski nu kuruga nazziga-riga yaya

6:3; 7:16; 9:20-22; 10:1, 12

• Sobra nga paddaddam i rason nu ngatta napeggan si Job tu ari fustu nga pagimamma. Nakkamali si Job ta pannono nga ari tu importante ta Dios nu matalo yaya onu ari

• Megafu ta pakkafi na nono ni Job, arianna ngana nanono i tanakuan ira nga posible nga rason na pazziga-rigana

• Maski sobra i daddamna, kinagi lagapa ni Job ta mangakusa ira sa i meyannung ta ayana kani Jehova