MABBALIN TU EFEKTIBO TA MINISTERIO

Pakastan i Abilidad Tam ta Ministerio—Magangngua tu Sarilim nga Presentasion na Magazina

Neyimprenta nga Edision

Saksi ira ni Jehova nga makiyuvovug ta tadday nga lalaki meyannung ta tadday nga topiko ta magazina

NU NGATTA IMPORTANTE: Maski nu makoffun i pamarigan ira nga presentasion nga egga ta workbook ta study, panuttulan laman yatun ira. Usammu nakuan i mismu uvovugmu. Puede nga tanakuan i pangiyarubammu tatun onu egga i tanakuan nga topiko nga mas makapa-interes ta lugarnu. Nu kunnari, kabalimmu nga mabibbig i magazina, mekonsidera i pamarigan ira nga presentasion, anna magiraw i video ira na demonstrasion, awayyam usan i tumunug ira nga suhestion ta pagangnguam tu presentasiommu.

NU KUNNASI NGA KUAN:

Iyavumu ta baggim, ‘Kayaku kari usan i tadday ta pamarigan ira nga presentasion?’

WAN

Ipreparam i introduksiommu. Kabalimmu kumustan, kagian ta ababba i rason na pabbisitam. (Angngarigan: “Minay ngà megafu ta . . . “)
Ikonsideram nu kunnasim ikonekta i pakkiavu ta teksto anna ta pangipalima. (Angngarigan: Nigemu iyarubang i teksto, puedem kagian: “Malegan taw i makasta nga tabbag tatun nga pakkiavu.”)

ARI

Mappili tu topiko ta magazina nga makapa- interes nikaw anna ta teritorianu
Mannono tu pakkiavu nga mapannonopan anna mapaguruvovugan nga ari gapa mepasiranan i householder. (Angngarigan: I pakkiavu ira nga masingan ta pahina 2 na magazina.)
Mappili tu teksto nga mabibbig. (Nu Gumising! i ipalimam, puede nga ari mabbibbig tu teksto megafu ta nadisenio yaw nga magazina para ta totolay nga baddi laman i ammuda ta Biblia anna awan paga lagu tu taloda ta relihion.)
Makkagi tu tadday onu dua nga rason nga mangipakanawag nu kunnasi nga mabenefisiowan i householder ta pabbibbigna ta artikulo

MASKI ANNI TABBAG

Mapprepara tu pakkiavu nga matabbag ta panolim uli
Makoffun nu ituramu tapenu ariammu mattamman nu anni i kayamu nga kagian sonu otru panolim