“Mune Ittam ta Vukig ni Jehova”

“Ta ultimo nga parte na aggaggaw”

I tiempo tam ta maddaggun

“I vukig na balay ni Jehova”

Atannang nga estandarte ni Jehova ta kurug nga paddayarayaw

“Tatun umagi i ngamin nga nasa-nasion”

Mattaradday danuri mangalawa ta kurug nga paddayarayaw

“Umay ittam, mune ittam ta vukig ni Jehova”

Imbitan na kurug nga maddayarayaw i tanakuan ira nga makikavvulu nira

“Tudduanna ittam meyannung ta dala-dalanna, anna lumakag ittam ta pallakaranna”

Gukaban na Uvovugna, tudduan anna uffunan ittam ni Jehova nga lumakag ta dala-dalanna

“Ni maggigiammu paga ira tu pakiggerra”

Kinagi ni Isaias nga matalianan i armas ira ta pakiggerra tu rimienta ira ta pakkusetcha. Ipasinganna yaw nga mabbalin tu memammo i ili ni Jehova. Anni danaw nga rimienta turi tiempo ni Isaias?

“I espadada ira tapenu mabbalin tu taram na aradu”

I taram na aradu i meyusa ta pagaradu tu davvun. Napadday ta balayang i karuan taw.—1Sm 13:20

“I pikada ira tapenu mabbalin tu paggapas”

I paggapas ay awayyana tu napiku nga mataram nga balayang nga egga i panammikanna. Meyusa yaw nga paggappo tu panga na ubas.—Isa 18:5