Uffunan i Familiam nga Daddamman si Jehova

Nadog si Jeremias nga tabarangngan i Judio ira ta aranni ngana nga kadaralda megafu ta nakattamadda i Diosda nga si Jehova. (Jer 13:25) Kunnasi nga nabbalin tu kakkabbi i espiritualidad na nasion? Nawawan na familia ira na Israelita i espiritualidadda. Ari tu tumuttuttul i ulu ira na familia ta direksion ni Jehova nga nerekord ta Deuteronomio 6:5-7.

Makoffun i familia ira nga masikan i espiritualidadda ta pamatuyag ta kongregasion ira ta maddaggun. Moffunan na ulu ira na familia i familiada nga daddamman si Jehova gukaban na regular anna produktibo nga programa na Paddayarayaw na Familia. (Sal 22:27) Kabalin magiraw i video nga ‘Ang mga Salitang Ito ay Dapat na Nasa Iyong Puso’​—Interbyu sa mga Pamilya, tabbagan danaw nga pakkiavu:

• Kunnasi inarubang na karuan nga familia i gagangay ira nga problema nu meyannung ta paddayarayaw na familia?

• Anni i karuan nga bendision na kegga na regular anna produktibo nga programa na Paddayarayaw na Familia?

• Nu meyannung ta paddayarayaw na familia, anni ira i problemà, anna anni ira i planò nga kuan tatun?