Mattalupaddian nga Alerto anna Aktibo ta Espiritual Nu Manguli i Situasiommu

Ariattam malillitan i panguloli, mas ngana taw ta pangurianan ira nga aggaw. (1Co 7:31) Ekspektattam man onu ari, makasta man onu marake, awayyana tu makefugag ta paddayarayaw tam i panguloli anna makafekto ta relasiottam kani Jehova. Anni i makoffun nittam nga makapattalupaddian nga alerto anna aktibo ta espiritual nu egga panguloli? Girawan i video nga Matuyag ta Espiritual Maski Nu Magali, tapus tabbagan i tumunug ira nga pakkiavu:

• Anni i nitabarang na tadday nga brother ta yama?

• Kunnasi nga mepangngo ta situasion na familia i prinsipio ta Mateo 7:25?

• Anni i kingngua na familia nigeda nagali, anna kunnasi yaw nakoffun nira?

• Anni i nakoffun ta familia tapenu maka-adjust ira ta pagali tu kongregasion anna teritoria?

Anni ira nga dakal nga panguli i bagù laman naekspiriensa?

Kunnasì meyaplika ta situasiokku i prinsipio ira nga malegan taw nga video?