“Ikakuam i Yamam anna Yenam”

Ta kegga ni Jesus ta davvun, nipagaramna i bilin nga: “Ikakuam i yamam anna yenam.” (Ex 20:12; Mt 15:4) Siguradu nga egga lallaguray ni Jesus nga kagian yaw megafu ta “nakimoray” yaya ta maganana ta kabbinna. (Lu 2:51) Turi adulto yaya, siniguraduna nga egga manangngaw ta yenana kabalin na patena.​—Jn 19:26, 27.

Ta kaggawattam gapa, ikakua na abbarabbing nga Cristiano i maganada nu makimoray anna marespeto ira ta pakiyuvovug nira. Kakuruganna, awan tu pagaddetan na bilin nga ikakua i magana tam. Maski nu bako onu lakay ngana i magana tam, mawag tu ibala-balayuttam nga ikakua ira gukaban na pagginna ta siribda. (Pr 23:22) Mekakua tam paga ira gukaban na panguffun nira ta emosional anna finansial nu kawagan. (1Ti 5:8) Maski mabbing onu manakam ittam, i makasta nga komunikasion ta magana tam i tadday nga pangipasingan ta pangikakua nira.

GIRAWAN I WHITEBOARD ANIMATION NGA KUNNASI NGÀ MAKIBBIDA TA MAGANA KU? KABALINNA, TABBAGAN I TUMUNUG IRA NGA PAKKIAVU:

• Ngatta marigatakka makibbida ta magana mu?

• Kunnasim mekakua i magana mu ta pakibbidam nira?

  

• Ngatta sulit i pappursigi nga makibbida ta magana mu? (Pr 15:22)